موقع السلطة
الخميس، 28 مارس 2024 04:54 مـ
موقع السلطة

رئيس التحرير محمد السعدني

  • اتحاد العالم الإسلامي
  • nbe
  • البنك الأهلي المصري
حوادث

وزي كان عايز يقتلني.. نص تحقيقات النيابة في قضية إسراء عماد

اسراء عماد
اسراء عماد

حصلت السلطة على نص التحقيقات في قضية الاعتداء بالضرب بالأسلحة البيضاء على فتاة الإسكندرية إسراء عماد من قبل زوجها، وأكد الدكتور أحمد مهران، محامي الضحية، أنه سوف يقدم الأدلة الكافية لإدانة زوج الضحية، وأنه سوف يبذل قصارى جهده لكي تتمكن المجني عليها من الحصول على حقها بالقانون.. وجاءت نص الأقوال التي حصلت «الوطن» على نسخة منها كالتالي.. في المحضر رقم 11786 لسنة 2021 جنح اول المنتزه.

س: ما اسمك وعمرك؟

ج: إسراء عماد حبشي، 19 سنة.

س: ما قولك فيما شهدت أمام النيابة العامة؟

ج: أيوة فعلا قلت الكلام ده في المستشفى قبل ما أتعب.

س: وما هي المسافة بينك وبين المتهم محمد منتصر حال تعديه عليكِ؟

ج: لا توجد مسافة بيننا.

المجني عليها: جوزي ضربني بالمطواة في صدري

س: وما هي وجهتكِ للمتهم أثناء تعديه عليكِ

ج: هو كان واقف من ضهري وماسكني من رقبتي بإيده الشمال وأيده اليمين كان ماسك فيها مطواة وبيضربني في وشي وإيدي، ولما وقعت في الأرض شالني وحطني في العربية في الكرسي اللي قدام وضربني بالمطواة في صدري في الناحية اليمين.

س: ما طبيعة الأرض التي وقفتم عليها أثناء تعديه عليكِ؟

ج: كنا واقفين على الرصيف أرض مستوية.

س: وما طبيعة الرؤية آنذاك؟

ج: كنا شايفين بعض والرؤية واضحة عشان عواميد النور.

المجني عليها: جوزي كان عاوز يموتني

 

س: وما هي كيفية وقوفك على قصد المتهم تحديدا في حين أنك شهدتِ أنكِ ذهبتِ إلى المتهم بحثا عنه؟

ج: أيوة أنا فعلاً كنت عايزة أروح بس هو لما شافني فضل يضرب فيا ضرب ويموت، وأنا قلت إن هو كان عايز يموتني عشان كان بيضربني وماسابنيش إلا لما وقعت وبعد كده ضربني ضربة في صدري وكان فاكر إن هي هتموتني وبعدين لما أخوه نزل وشافني قاله إحنا ما اتفقناش على كده.

س: وما هي طبيعة ذلك الاتفاق بين المتهم محمد منتصر ومصطفى منتصر؟

ج: ما أعرفش بس لما أخوه نزل قال له إحنا ما اتفقناش على كده، كده أنت هتودينا في داهية، بعد كده لما اتصل بوالدته قالت له على موضوع الملاية اللي أنا قلت عليها علشان كده هم كان قصدهم يموتوني.

س: وهل كان بإمكان المتهم موالاه تعدى عليكى

ج: ايوة.

س: وما حال دون ذلك

ج: علشان انا زي ما قلت كنت بتحايل عليه وديني المستشفى وودانى المستشفى و قالي قولي ان حد طلع علينا وكان بيثبتنا وأخوه بيقوله لو أتمسكت قول أنك كنت بتدافع عن شرفك.

 

جوزى بيدافع عن نفسه ويتهمنى بعلاقة

س: وما قولك فيما قرره محمد منتصر مصطفى في تحقيقات النيابة العامة بأنه قام بالتعدي عليك مستخدما سكين ابيض لأنك قمتى بإخباره أنك على علاقة بالمدعو حسن طارق

ج: لا هو ضربني المطواه وهو بيقول كده علشان يدافع عن نفسه و عايز يطلعني ان كنت على علاقة بحد علشان يطلع أنه كان بيدافع عن شرفه زي ما أخوه قال.

س: وما علاقتك بالمدعو حسن طارق

ج: انا ما اعرفش اسمه بالكامل بس اللي اعرفه انه صديقه محمد جوزي و إتفاجئت بيه بيكلمني لما كنا متخانقين وقعدنا شهرين مش بنكلم بعض وقالى أنه حماتى هى اللى قالتله يكملنى عشان يصالحنى على ميدو وانا قلتله إن هو عمل معايا مواقف كتير وحشة والله كان بيكلم بنت تانية قبل ما يتجوزنى اسمها رشا وقالى إن رشا دي تبقى خطيبة حسن وقال لي إن ميدو هو اللي قاله أنها مش مناسبة ليك وأبتدى يكلمها هو ولما سألته أنت تعرفها منين قالي كانت ساكنة جنبنا في الساعة وانا ما كنتش مصدق اللي بيقوله.

س: ما هى طبيعة العلاقة بينك وبين المدعو حسن طارق

ج: هو صاحب ميدو جوزي و كنا بنروح عنده البيت هو ومراته بس ما فيش علاقة بيننا غير كدة.

س: وما قولك فيما أقراه مصطفى منتصر و حنان السيد في تحقيقات النيابة العامة

ج: هم ما كانوش موجودين ساعه ما ضربني فعلا وأخوه قاله أفتح التاكسى وأرميها و أمه حنان قالتله لفها في ملاية وأرميها.

س: وما قولك فيما شهد به جمال السيد

ج: ايوة أنا خبطت عليه لما ابني كان تعبان وقلتله عايزة أوصل لمحمد جوزي وطلبت منه يخلي ابنه يصحيه عشان أنا عرفت من جار ليه اسمه وليد بس هو مش بيكلمه إن هو في البيت.

س: وما قولك في ما جاء من معاينة السيارة محل الواقعقه أنه لا يوجد آثار دماء سوى سقف السيارة

ج: العربية كانت متغرقه دم بس أكيد هو غسلها و أنا فعلاً كنت ماسكة سقف العربية.

س: وأين تحديدا الملابس التى كنت ترتديها؟

ج: اللبس معي في البيت كنت لابسة بلوفر وفي قطع الناحية اليمين.

البنك الأهلي
اسراء عماد النيابة تحقيقات اسراء عماد حوادث
serdab serdab serdab serdab
CIB
CIB