رانيا محمود ياسين: إحنا بنمر بحاجات كتير صعبة في المهنة.. وما حدش عارف بنتعب قد إيه

تحدثت الفنانة رانيا محمود ياسين عن صعوبات التمثيل، مشيرة إلى أنه من ضمن أكثر المهن صعوبة.

وقالت رانيا محمود ياسين لـ القاهرة 24:إحنا بنشتغل في ظروف صعبة، ممكن تكوني عيانة أو مش نايمة أو عندك ظروف ونفسيتك تعبانة، إحنا بنمر بحاجات كتير صعبة وما حدش عارف حاجة، أحيانًا بنلبس صيفي في عز التلج ونترعش، في مهن كتير غير مهنتنا صعبة، لكن لو هنرصد المهن الصعبة فهيكون منها التمثيل.

رانيا محمود ياسين: أجرنا يعيشنا مستورين زي أي مهنة في الدولة

واستكملت رانيا: إحنا أجرنا يعيشنا مستورين زي أي مهنة في الدولة، وكمان بنطلع من جيبنا علشان مش عارفين نوفر، والترفيه في الآخر إذا نفع، وكلنا بفضل رب العالمين مستورين مفيش حد فينا مرفه، والناس فاكرة إن كل الفنانين بياخدوا كده.. ده مش حقيقي زينا زي أي مهنة يتقال عليها مستورة، إحنا زي أي حد مهنته بتديه أجر يعيشه مستور مش غني.

من ناحية أخرى، أكدت رانيا محمود ياسين أن البطولة حقها، مشيرة إلى أنها قدمت بطولات كثيرة ولكن في السنوات الأخيرة تأخرت في أن تعود لوضعها، لانشغالها بتربية أبنائها إلى جانب عمليها كمذيعة لفترة، لذلك تركت العمل في الإعلام؛ لأنه أثر على عملها في الفن.

وأكدت رانيا محمود ياسين أنها تعاونت مع معظم النجوم الكبار، ولكن ما يهمها هو الورق القوي الذي يضيف لها ويصنع لها نقلة بمشوارها الفني سواء مع نجوم أو شباب، مستكملة: أنا ست اتعلمت من أبويا إني أكون بروفيشنال واشتغل مع الجميع حتى لو كان لدي خلاف مع فنان لا أمانع من التعاون معه، لأني وأنا بقدم دوري مش بكون رانيا بكون الشخصية.