بسمة وهبة: مصر واقفة على رجليها.. ودول عالمية كانت بتلعب بالفلوس ودلوقتي ناسها في الشارع

روت الإعلامية بسمة وهبة، تفاصيل جديدة، خلال رحلتها العلاجية بالعاصمة البريطانية لندن، موضحة أن الوضع الذي تمر به مصر الآن أفضل من دول أخرى بكثير، حتى من الدول الأوروبية، وذلك بعد أن أجرت عملية بأحد المستشفيات في لندن.

 

وقالت بسمة وهبة عبر برنامجها 90 دقيقه الذي تقدمه عبر إحدى القنوات: الحمد الله إن بلدي على وضعها، مهما كان الوضع، في ظل الأزمات العالمية.. وإحنا مش أحسن وضع وحال في الدنيا بس أحسن من غيرنا، وشفت محلات عالمية في دول أوروبية للأسف المحلات دي قفلت وأغلقت أبوابها بسبب الأزمات العالمية والناس اللي في شوارع لندن كتروا.. المحلات هناك قفلت والناس مفترشة الأرض وكتروا والمطاعم ليست أفضل شيء، فالخدمات في الفنادق أصبحت سيئة بسبب العمالة وانخفاضها.

وأشارت وهبة إلى أن بريطانيا تمر بظروف صعبة، حيث تم التنويه بعدم استخدام الحمامات لأكثر من 5 دقائق والحد من استهلاك الكهرباء، كما ارتفعت أسعار الخدمات بالمستشفيات لأرقام قياسية، ولا يذهب إليها سوى المضطر.

 

وذكرت أن أسعار الخدمات في المستشفيات وصلت لأرقام ضخمة، ولا يذهب إليها إلا المضطر، والغلاء هناك "غير طبيعي" في كل شيء، بسبب الأزمة العالمية الاقتصادية، مضيفًا: "إحنا في مصر في أزمة، لكن الدولة المصرية تعمل على تجاوزها، ولولا الإنجازات الأخيرة كنا هنوصل لمرحلة سيئة جدًا".

بسمة وهبة: لازم يكون عندنا أمل وحماس عشان نعرف نعيش ونتحدى

وواصلت بسمة وهبة: من الآخر.. لازم يكون عندنا أمل وحماس عشان نعرف نعيش ونتحدي ونعدي، ويكون عندنا رضا بحياتنا وقدرنا.. ومش طالعة أدي درس بل نصيحة هتفيدنا، عشان نقدر نتحمل اللي جاي والازمة اللي بيعاني منها العالم.. والجميع سيدفع الثمن سواء الغلاء أو العناء وزينا زي غيرنا، وشفت المواطن بيعاني إزاي في الدول الأخرى..فيه كانت بتلعب بالفلوس لعب، وتحولت للأسوأ وانظروا إليها الآن.. ومصر الآن واقفة على رجليها بفضل ربنا.