موقع السلطة
الأحد، 27 نوفمبر 2022 04:14 صـ
موقع السلطة

رئيس التحرير محمد السعدني

  • موقع السلطة الاخباري
  • nbe
  • البنك الأهلي المصري
توك شو

عمرو أديب: أنا مش عايز أموت لهذا السبب

 عمرو أديب
عمرو أديب

دخل الإعلامي عمرو أديب، في انفعال شديد على الهواء بسبب تناول البعض على وسائل التواصل الاجتماعي لوفاة الفنان هشام سليم.

 

عمرو أديب قال خلال تقديم برنامجه الحكاية المذاع على فضائية إم بي سي مصر مساء أمس السبت: عندي لحضراتكم طلب والطلب ده آخرة علامة تعجب هو أحنا ليه مش بنسيب الناس تموت في سلام أنا مفتكرش السنتين التلاتة اللي فاتو حد مات وسبناه في حاله.. هشام سليم مات سيبوه في حاله إحنا ليه مش عارفين نسيب الناس تموت في سلام.. إنتم مالكم باللي حصله.

 

أضاف أديب: إنسان مات نقول الله يرحمه.. كان راجل محترم وعائلته محترمة وممثل جميل أخواته مين ونسيبوا مين حبايبكو كلكوا.. أنتوا بقيتوا متوحشين كده ليه؟

.. الراحل كان مريض ومات في أي حاجة في كدة؟

.. الراجل كان عيان من سنتين.

تابع أديب: هتعملوا فيا أيه لما أموت أنا بقي هيتعملي حفلة غير طبيعية أنا مش عايز أموت مش خوفا من الموت عشان اللي أنتوا بتعملوه دة الراجل مات وسط أهله بس المعلومة دي مفيدة عندك في أيه؟

.. أنا بكلم حد من أهله بيقلوا ليه الناس بتعمل فينا كده.. الراجل مات ادعوله.. ليه الكلام الكتير عن الراجل أنت مال أهلك؟

 

أكمل: يا عالم يا ظلمة يا اللي مبترحموش حد يا اللي بتأكلوا لحم الميتين، الرحمن الرحيم تخيل أن الموت يبقى أرحم من وجودك في الحياة ليه بقيتوا كده ايه اللي جرى للناس.. بقالنا سنتين مش بنسيب الناس اللي ماتوا في حالهم.. ليه بقيتوا متوحشين كده.. ده أنا بقيت خايف أموت علشان هيتعملي حفلة غير طبيعية".

 

واختتم أديب: أنا والله خايف أموت أنا مش عايز أموت عشان اللي بتعملوه.. ليه بنعمل في بعض كده، أنا بقيت خايف أموت، هتعملوا فيا إيه أنا عارف هيتعملي حفلة غير طبيعية، مش عايز أموت مش خوفًا من الموت.. إحنا بقينا قتلة سيبوا الناس في حالها.

البنك الأهلي
عمرو اديب الاعلامى عمرو اديب وفاة الفنان هشام سليم

آخر الأخبار

CIB
CIB