حظك اليوم برج الجوزاء الثلاثاء 29/5/2018 السعادة مستخبية ف طاجن البامية

حظك اليوم برج الجوزاء عاطفيا

( الكراش والإكس والبوي فريند والجيرل فريند والجوز والزوجة والقرايب ):

مفيش حاجة واقفة ف طريق سعادتك قد طريقة تفكيرك انتا وبس على فكرة.. حاول تبص للحاجات بشكل عملي حبة وانتا ترتاح.. كمان ياريت تتحكم حبة ف قلبة مودك اللي بيتغير كل نص ساعة واحيانا كل خمس دقايق دة.. ولو شايف الموضوع بقى أوفر وفعلا بيسببلك مشكلة يبقى من حقك تلجأ لطلب العلاج.. الباي بولار مرض معروف وعلاجه ان شاء الله بسيط لو في اهتمام مستمر..

حظك اليوم برج الجوزاء عملياً

( الشغل والمذاكرة والتخطيط لبكرة ):

مفيش حاجة انتا بتعملها غلط بشكل واضح.. بالعكس.. بتحاول تلتزم ومتزعلش حد منك ومبتتكلمش كتير.. بس بعد الهدوء والعقل دة بيطلع منك تصرف بيبوظ كل اللي انتا عملته فجأة.. ليه بقى بتعمل كدة ؟.. دة سؤال توجهه لنفسك الحقيقة لأنها هي الوحيدة اللي عندها جابة حقيقية شافية مريحة ف الموضوع دة

حظك اليوم برج الجوزاء صحياً

( نفسيا وجسمانيا وكل مايخص طاسة المزاج ):

صحيا انتا كويس بس خد بالك حبة بس من انك محتاج تدلع نفسك ف طاجن بامية باللحمة قريب.. ومش شرط تكون ضاني او لحمة اساسا.. ممكن تعمل الطاجن دة بفراخ عادي خالص

إعرف توافق برج الجوزاء مع باقي الأبراج النهاردة:

متوافق مع الابراج الحرنكشية والمائية والهوائية..

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.