عروس الإسماعيلية: نزفت من بطني وزوري وأبويا أنقذني في زيارة مفاجئة

قالت مها محمد عروس الإسماعيلية التي استنجدت بالشرطة أمس لتنقذها من تعذيب زوجها لها: "أنا كنت مهددة وخايفة على أهلي واتهددت بمية النار تتكب على وشي، واتهددت أن والدي يتقتل وأخواتي هيتأذوا وكل ده استحملته خلال 8 شهور علشان خاطر أهلي وقلت هاجي على نفسي علشان خاطر أهلي".

نزيف عروس الإسماعيلية

وتابعت خلال مداخلة هاتفية ببرنامج "الستات" الذي تقدمه مفيدة شيحة وسهير جودة بقناة "النهار": "لما اتحبست في البيت 15 يوم نزفت من بطني وزوري وصلت لدرجة اني كنت هانتحر وأموت نفسي ومقدرش أستحمل أكتر من كده".

زواج تحت قوة السلاح

وأضافت: "ارتضيت بالزواج من عريسي لإني كنت مهددة بقوة السلاح وخوفت علي والدي وأهلي، احنا قرايب من الصعيد وقبل الزواج مكنتش اعرفهم وكان جواز تقليدي ولا حب 13 سنة زي ما طلعت منهم، مكنش فيه بينا حب اتجوزت جواز تقليدي".

إنقاذ عروس الإسماعيلية

وأكملت: "زوجي منع مني التليفون وحبسني علشان مكلمش أهلي وحالتي كانت صعبة، ووالدي لما جالي في زيارة مفاجئة هو اللي انقذني من اللى كان بيحصلي"، لتعلق مفيدة شيحة: "أنا مش متعاطفة معاكي علشان انتي رضيتي بكده".

يذكر أن عروس الإسماعيلية تعرضت منذ 8 أشهر للضرب من زوجها أمام الكوافير أثناء حفل زفافها بمحافظة الإسماعيلية، وسط حالة من السخط العام ومطالبات بمعاقبة الزوج بتهمة إهانة وضرب العروس.