موقع السلطة
الجمعة، 29 مارس 2024 05:33 مـ
موقع السلطة

رئيس التحرير محمد السعدني

  • اتحاد العالم الإسلامي
  • nbe
  • البنك الأهلي المصري
فن

مش عارفة بعد السنين الطويلة دي هقدم إيه للجمهور.. أبرز تصريحات شهيرة التلفزيونية

فن  شهيرة
فن شهيرة

حلت الفنانة شهيرة، ضيفة في أحد البرامج التلفزيونية بعد غياب طويل عن الظهور الفني والإعلامي، وتحدثت عن الفترة الماضيةفي حياتها ومشوارها الفني.

أبرز تصريحات الفنانة شهيرة التلفزيونية

مش عارفة بعد السنين الطويلة دي هقدم إيه للجمهور.هل هقدم حاجة يقولولي لأ يا ريتك ما عملتيها ما إنتي كنتي قاعدة وإحنا حابينك كده؟ أنا مترددة.في عروض بتجيلي وأنا ببقى متحمسة جدًا وقتها، ولكن لما بفكر وأقول طب والورق، أهم حاجة الورق لأني بقالي فترة طويلة أوي مطلتش على الناس بأي دراماأنا عرفت إن المناخ والمهنة بقت صعبة وبيشتغلوا بالـ 18 ساعة، وعلى أيامنا كان 8 ساعات حاجة كده بشياكة وحلوين أوي وبنبقى واعيين باللي بنعمله، مش بنعمل نص دورنا وإحنا تعبانين.دايمًا عمرو ابني بيقولي والله يا مامي ما هتقدري، ده شيء مرهق جدًا، الدلع اللي كنتي بتدلعيه زمان مش هتلاقيه دلوقتي، ممكن لو جاتلي حاجة واو أتحمل وأنزل.مش قادرة أتجاوز وفاة محمود ياسين لحد دلوقتي.محمود ياسين ما يتعوضش كزوج وإنسان مفقتدة حاجة كبيرة أوي في حياتي أنا مش مظبوطة ومحطمة.كل صحابي بيقولوا لي لازم تخرجي من الحالة وأني واحشة الناس، ولازم أبقى قوية شوية لأني ساعات بكون محطمة.كل يوم بالليل بنادي على محمود ياسين، وبيتهيألي إنه بيرد عليا، حتى أثناء مرضه كنت أنده عليه ويرد عليا، وللأسف مش عارفة أتخلص من العادة دي.أنا مكنتش أعرف إني هبقى كده وفي الحالة دي، أنا متفاجأة من نفسي، مع إن كان عندنا مقدمات لرحيله في فترة مرضه، ولما حصل ورحل، كأن مكنش فيه أي مقدمات.ساعات باخد مهدئ علشان أنام. اعتزلت الفن لأنه شغلني عن ربنا والصلاة ولاحظت إني كنت بصلي بسرعة عشان ألحق التصوير.أقضي وقتي في قراءة القرآن والأحاديث ومناجاة الله؛ وبكلمه من قلبي باللغة العامية ودون تكلف لأنه أنيسي وونيسي وجليسي.محمود ياسين مطلبش مني أعتزل بالعكس هو مكنش يعرف وأتفاجئ بـ قراري.أنا كنت مانعة حد يساعد أو يخدم محمود ياسين غيري.أنا بعتبر إن ربنا سخرني لزوجي محمود ياسين، لأنه إنسان جميل ولقى حد يشيله سنين كتير زي ما منحني كتير.كنت لما ألاقي واحدة داخلة عاوزه تخرب البيت باخد موقف وأتكلم مع زوجي محمود ياسين.لما تكون واحدة عاوزه تاخد محمود ياسين مني وتتجوزه أتكلم معاه وهو كان بيقول لي عارفة المقص اللي بتقصي به ضافر رجلك برقبة الناس دي كلها.الراجل مهم أنه يطمن شريكة حياته ويحسسها أنها أهم من أي واحدة ويطبطب عليها.البنات دلوقتي كلهم شبه بعض بسبب عمليات التجميل، لكن على أيامنا مكناش شبه حد، وكان كل واحدة فينا اللمسة بتاعتها الخاصة بيها.ياريت كان في على أيامنا عمليات تجميل كده كنت أقولهم خلوني شبه مارلين مونرو.

البنك الأهلي
أخبار مصر موقع السلطة شهيرة تصريحلت شهيرة شهيرة ومحمود ياسين محمود ياسين الفنان محمود ياسين الفن فنـ اخبار الفن facebook twitter whats
serdab serdab serdab serdab
CIB
CIB