زيزو: أضعت ركلة الجزاء أمام السنغال بسبب الليزر.. وخسارة أفريقيا أسوأ يوم عدا عليا

قال أحمد سيد زيزو، لاعب نادي الزمالك ومنتخب مصر: "من اسوأ الأيام اللي عدت عليا في الموسم خسارة بطولة أفريقيا وفشل الصعود لكأس العالم".

 

ركلة جزاء زيزو المهدرة أمام السنغال

وأضاف خلال لقائه ببرنامج "الحكاية" الذي يقدمه الإعلامي عمرو أديب بقناة "mbc مصر": "لما ضيعت ركلة الجزاء أمام السنغال كان الاحساس صعبًا وسيئًا جدًا وسألت نفسي بعد الماتش إزاي عملتها كده وإيه اللى يوصلني أن أشوطها كده، ولحد دلوقتي بسأل نفسي نفس السؤال ومش لاقي إجابة، ولو شوطها 10 مرات كنت جيبتها، لكن الليزر عملي زغللة في عيني وأثر على تركيزي في تسديد الركلة والجزء من الثانية، وأول لما راحت محسيتش بالصدمة وكان عندي أمل نعوض ولكن لما الحكم أطلق صافرته حسيت بالصدمة والحسرة".

حظ السنغال على منتخب مصر

وتابع: "السنغال مكانتش أحسن، وفيه تفاصيل معينة في الـ3 ماتشات كنا مركزين عليها، لكن الحظ والنصيب وراء خسارتنا منهم".