حظك اليوم مع عبدالله أحمد الأحد 24/6/2018 الدلو سيكوباتي النهاردة ياجماعة إبعدوا عنه

حظك اليوم مع عبدالله أحمد الأحد 24/6/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة وم ينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة.

عشان تعرف حظك بشكل كامل .. صفي نيتك ودوس على صورة برجك بإيدك اليمين.

اعرف حظك اليوم برج الحمل بالتفصيل الأحد 24/6/2018 مع عبدالله أحمد

برج الحمل عاطفيا

( الكراش والإكس والبوي فريند والجيرل فريند والجوز والزوجة والقرايب ):

كل حاجة انتا بتعوزها دايما ف الوقت الغلط.. كيف عندك تختار اسوأ توقيتات لكل حاجة وبعدين ترجع تقول ليه محدش بيحبني.. عشان انتا مستفز الحقيقة.. مش اكتر.

حظك اليوم برج الحمل عملياً

( الشغل والمذاكرة والتخطيط لبكرة ):

عمليا انتا محتاج تبطل عناد ف نفسك وف العالم لا اكتر ولا اقل.. حاول تقدر على نفسك حبة وتهتم بالحاجات اللي فعلا تستاهل الاهتمام.. ومش لازم ترد على كلمة بكلمتين على فكرة ابدا ابدا..

حظك اليوم برج الحمل صحياً

( نفسيا وجسمانيا وكل مايخص طاسة المزاج ):

صحتك زي الفل بس انتا محتاج مساج وحد يحكيلك حكاية قبل النوم..

إعرف توافق برج الحمل مع باقي الأبراج :

متوافق مع الابراج المعدنية والنارية والبرنسية واحيانا المائية والبرمائية والترابية.

اعرف حظك اليوم برج الثور بالتفصيل الأحد 24/6/2018 مع عبدالله أحمد

حظك اليوم برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

عاطفيا النهاردة الاجواء ملائمة عشان تحب وتتحب.. انتهز الفرصة وانبسط الله يكرمك يمكن تهدى وتنبط حبة على باقي الكوكب..

حظك اليوم برج الثور عمليا

( الشغل والمذاكرة والتخطيط لبكرة ):

محدش مهتم يهاجمك الحقيقة.. انتا بس عشان دايما شاحن بطاريتك بزيادة وجاهز للخناق دايما ف طبيعي تحس كدة.. مش اكتر.

حظك اليوم برج الثور صحياً

( نفسيا وجسمانيا وكل مايخص طاسة المزاج ):

صحيا انتا محتاج النهاردة شيكولاتة من حد بيحبك وبيقدرك وبيحترمك وبيحب يجيبلك شيكولاتة..

إعرف توافق برج الثور مع باقي الأبراج :

متوافق مع الابراج الكتكوتية والمائية والحلولية والنارية والمائية والترابية.

اعرف حظك اليوم برج الجوزاء بالتفصيل الأحد 24/6/2018 مع عبدالله أحمد

حظك اليوم برج الجوزاء عاطفيا

( الكراش والإكس والبوي فريند والجيرل فريند والجوز والزوجة والقرايب ):

عاطفيا النهاردة انتا من جواك متضايق عشان محدش بيفهمك زي مانتا عاوز.. صدقني كدة احسن.. لو حد فهمك كويس هيجري ويهرب.. انتا كدة زي الفل صدقني..

حظك اليوم برج الجوزاء عملياً

( الشغل والمذاكرة والتخطيط لبكرة ):

كونك مقتنع انك معاك حق ف كل حاجة مش تصرف غلط ولا حاجة.. راعي بس ان الصح بتاعك ممكن يكون غلط لغيرك.. ف بلاش تعميم مخل ساذج أرعن.

حظك اليوم برج الجوزاء صحياً

( نفسيا وجسمانيا وكل مايخص طاسة المزاج ):

صحيا انتا محتاج النهاردة تنقنق ف بقايا كحك العيد.. دة طبعا لو في بقايا للكحك دة..

إعرف توافق برج الجوزاء مع باقي الأبراج :

متوافق مع الابراج الحرنكشية والمائية والهوائية.

اعرف حظك اليوم برج السرطان بالتفصيل الأحد 24/6/2018 مع عبدالله أحمد

حظك اليوم برج السرطان عاطفياً

( الكراش والإكس والبوي فريند والجيرل فريند والجوز والزوجة والقرايب ):

عاطفيا في حد بيكراش عليك بشدة.. حاول متصدوش جايز يكون مسلي ليك ولا حاجة..

حظك اليوم برج السرطان عملياً

( الشغل والمذاكرة والتخطيط لبكرة ):

اهتمامك بنفسك وبجمالك وببرستيجك قدام الناس شيئ جميل..بس هل بتفكر لحظة واحدة ف غيرك او بتشغل بالك اصلا هو حاسس ايه او ان ممكن يكون كلامك دبش وبيزعله.. راعي مشاعر الناس حبة.

حظك اليوم برج السرطان صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تنط الحبل بتاع نص ساعة مثلا مش اقل من كدة..

إعرف توافق برج السرطان مع باقي الأبراج :

متوافق مع الابراج البلاستيكية والحديدية والبرمائية.

اعرف حظك اليوم برج الأسد بالتفصيل الأحد 24/6/2018 مع عبدالله أحمد

حظك اليوم برج الأسد عاطفيا

( الكراش والإكس والبوي فريند والجيرل فريند والجوز والزوجة والقرايب ):

عاطفيا انتا حاسس بجمالك اليومين دول بزيادة وبيأكدلك دة المعجبين اللي حواليك واللي كلهم بيحاولوا يخطبوا ودك الا ان مفيش حد فيهم ف الاغلب مالي عينك.. طبيعي لأنك ف الاساس بتحب اللي يتنك عليك ويطنشك بس بتداري دة ببراعة شديدة..

حظك اليوم برج الأسد عملياً

( الشغل والمذاكرة والتخطيط لبكرة ):

مش مهم العالم يعترف بجمالك وذكائك وقوتك.. المهم انك عارف دة كويس بينك وبين نفسك.

حظك اليوم برج الأسد صحياً

( نفسيا وجسمانيا وكل مايخص طاسة المزاج ):

صحيا انتا النهاردة محتاج ترقص كتير جدا بينك وبين نفسك وتزقطط وتاكل جاتوه او ايس كريم او الاتنين مع بعض..

تعرف على توافق برج الأسد مع باقي الأبراج النهاردة:

متوافق مع الابراج البسبوسية والحلبسية والمائية والترابية والكتكوتية.

اعرف حظك اليوم برج العذراء بالتفصيل الأحد 24/6/2018 مع عبدالله أحمد

حظك اليوم برج العذراء عاطفيا

( الكراش والإكس والبوي فريند والجيرل فريند والجوز والزوجة والقرايب ):

عاطفيا النهاردة انتا حاسس انك متطنش او مش على بال اللي بتحبه ورغم كدة مبتحاولش تلفت نظره تحت بند ان الاهتمام مبيتطلبش..

حظك اليوم برج العذراء عملياً

( الشغل والمذاكرة والتخطيط لبكرة ):

مهم تقرا ف التاريخ النهاردة حبة وتستخلص منه العبر والعظات لعلك تدرك ان حلول معظم مشاكلك ممكن يكون بيكمن وبيستخبى ف حاجات بسيطة خالص مالص وانتا مش واخد بالك.

حظك اليوم برج العذراء صحياً

( نفسيا وجسمانيا وكل مايخص طاسة المزاج ):

صحيا انتا محتاج النهاردة تاخد بالك حبة من سنانك ومن قولونك ومن مزاجك بشكل عام..

إعرف توافق برج العذراء مع باقي الأبراج النهاردة:

متوافق مع الابراج الشرشوبية والزغلولية والعسلية والهوائية والترابية والبرمائية.

اعرف حظك اليوم برج الميزان بالتفصيل الأحد 24/6/2018 مع عبدالله أحمد

حظك اليوم برج الميزان عاطفيا

( الكراش والإكس والبوي فريند والجيرل فريند والجوز والزوجة والقرايب ):

حاول متاخدش قرارات راديكالية مفاجئة لمجرد انك زهقان او حابب تلفت الانظار ليك.. اهمد وبلاش مصايب احسنلك.

حظك اليوم برج الميزان عمليا

( الشغل والمذاكرة والتخطيط لبكرة ):

عمليا النهاردة انتا على وشك انك تفرقع ف وش حد بيحط عليك بقاله فترة وفاكرك ضعيف وانتا ناويهاله النهاردة وهتعرفه مقامه.. قشطة عليك.. حاسب بس لاتتعور ولا حاجة وانتا متعصب اوي كدة..

حظك اليوم برج الميزان صحيا

( نفسيا وجسمانيا وكل مايخص طاسة المزاج ):

صحيا انتا محتاج النهاردة تفهم انك عشان تغلب حد مستضعفك متروحشي ابدا تتخانق معاه علنا كدة قدام الناس.. هياكلك ف الكلام او يفاجئك ويضربك.. الصح تهمله وتسيبه لايقاعه الطبيعي ف الحياة وتؤمن ان اللي عايش بالشر برضة هيموت بيه.. دة كود الحياة اللي مبيتكسرش ابدا مهما حصل.. غير كدة عطلة وتضييع وقت وحياة برضة انتا اولى بيها..

إعرف توافق برج الميزان مع باقي الأبراج النهاردة:

متوافق مع الابراج الحسواكية والسوبيائية.

اعرف حظك اليوم برج العقرب بالتفصيل الأحد 24/6/2018 مع عبدالله أحمد

حظك اليوم برج العقرب عاطفيا

( الكراش والإكس والبوي فريند والجيرل فريند والجوز والزوجة والقرايب ):

عاطفيا انتا حاسس انك غلبان ومنكسر النهاردة ف نفسك جدا.. ماهو انتا اللي بتجيبه لنفسك برضة كل مرة.. حاول تشيل نرجسيتك من السكة وهتلاقي الحب بيعدي ويخش حياتك عادي خالص.. حاول بس مش اكتر..

حظك اليوم برج العقرب عملياً

( الشغل والمذاكرة والتخطيط لبكرة ):

عمليا انتا عندك باور النهاردة ورغبة ف عمل شيئ مختلف وجديد ومبهر.. طب ما تعمل مستني ايه بالظبط.. جمهور يصقفلك ويشجعك مثلا ولا ايه.. انجح وانبسط ف حياتك لنفسك.. دة حقك المفروض.

حظك اليوم برج العقرب صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تبسط كل حاجة معقدة وتبطل تعقد الامور البسيطة.. بس كدة مش اكتر..

إعرف توافق برج العقرب مع باقي الأبراج النهاردة:

متوافق مع الابراج المائية والهوائية والزغلولية والحبشتكانية والحمصية والسمسمية والحللولية والبربوشية.

اعرف حظك اليوم برج القوس بالتفصيل الأحد 24/6/2018 مع عبدالله أحمد

حظك اليوم برج القوس عاطفياً

( الكراش والإكس والبوي فريند والجيرل فريند والجوز والزوجة والقرايب ):

عاطفيا انتا محتاج اهتمام كبير بس ف الاغلب مش لاقي الاهتمام دة خصوصا وان الطرف الاخر دايما عاوز يتكلم وبس طول الوقت وانتا محتاج اللي يسمعك والاهم انك محتاج للي يشجعك مش يسمعك وبس..

حظك اليوم برج القوس عملياً

( الشغل والمذاكرة والتخطيط لبكرة ):

طول مانتا مركز وبعيد عن الخناق والجدل والقيل والقال هتفلح وهتنجح وهتكسر الدنيا..اهم حاجة متستسلمش لأي كلام سلبي او مشاعر هدامة او اشخاص مش موهوبة أو نفسياتها عدمية وسودة محمصة من جواها.. كمل وبص لقدام وبس.

حظك اليوم برج القوس صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج شوية تمشية او رياضة او اي نشاط من اي نوع بخلاف القعدة ف مكان واحد لفترة طويلة..

إعرف توافق برج القوس مع باقي الأبراج النهاردة:

متوافق مع الابراج الزلومية والحنكوشية والبرميلية والنارية والترابية.

اعرف حظك اليوم برج الجدي بالتفصيلالأحد 24/6/2018 مع عبدالله أحمد

حظك اليوم برج الجدي عاطفياً

( الكراش والإكس والبوي فريند والجيرل فريند والجوز والزوجة والقرايب ):

متبصش وراك لتتعب.. بص قدام للمستقبل وبس.. وركز عشان في حاجات كتير النهاردة هتحتاج اهتمامك وتركيزك دة جدا.

حظك اليوم برج الجدي عملياً

( الشغل والمذاكرة والتخطيط لبكرة ):

عمليا انتا بتبذل احيانا مجهود زيادة متطلبش منك لمجرد انك مجتهد وحابب تبان وشاطر بس مهم برضة متفتريش على نفسك بزيادة وتريح حبة.. الاعتدال مهم عشان متحسش انك ظالم لنفسك اخر الليل بدون داعي..

حظك اليوم برج الجدي صحياً

( نفسيا وجسمانيا وكل مايخص طاسة المزاج ):

صحيا انتا محتاج النهاردة تقرب حبة من الطبيخ والخضار والرز ابو شعرية بشكل عام..

إعرف توافق برج الجدي مع باقي الأبراج النهاردة

متوافق مع الابراج الهوائية والترابية والفسفورية والكتكوتية والعدوانية والحلزونية.

اعرف حظك اليوم برج الدلو بالتفصيل الأحد 24/6/2018 مع عبدالله أحمد

حظك اليوم برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

عاطفيا انتا ف حالة لطيفة جدا وفي حد جميل جدا معجب بيك وبيحاول يلفت انتباهك بشدة ف الاغلب.. قشطة انبسط براحتك..

حظك اليوم برج الدلو عملياً

( الشغل والمذاكرة والتخطيط لبكرة ):

متضربش حد ومتحدفش حد بحاجة ومترميش حد من الشباك ف خيالك..كفاية عنف وسيكوباتية بقى حرام عليك.. وراك فن ودلع واحتفالات مع نفسك بعيد عن عينين اي حد.. اهتم بيها وبس.

حظك اليوم برج الدلو صحياً

( نفسيا وجسمانيا وكل مايخص طاسة المزاج ):

صحيا انتا محتاج تهتم حبة ببشرتك النهاردة وبشعرك عشان الجو واضح انه مبوظلك شعرك ع الاخر..

إعرف توافق برج الدلو مع باقي الأبراج النهاردة:

متوافق مع الابراج الفسيفسائية والنارية والخيالية والفرفورية والشكمجية والهوائية والنارية.

اعرف حظك اليوم برج الحوت بالتفصيل الأحد 24/6/2018 مع عبدالله أحمد

حظك اليوم برج الحوت عاطفيا

( الكراش والإكس والبوي فريند والجيرل فريند والجوز والزوجة والقرايب ):

اساس اي علاقة ف الدنيا الحب مش اي حاجة تانية.. كونك مش لاقي الحب دة مش معناه انك تبدله بالمصلحة او بالفلوس.. كدة انتا بتضيع اجمل مافي الحياة بدون اي داعي لمجرد انك خايف مش اكتر..

حظك اليوم برج الحوت عملياً

( الشغل والمذاكرة والتخطيط لبكرة ):

بتحاول تستفز حد عشان يخش معاك ف صراع ف تثبتله انك اقوى منه لما تغلبه ف الصراع.. وايه الفايدة مش فاهم لما تثبتله ولا متثبتلوش..ثم حياتك اللي بتضيع ف الغل والكره دي مش المفروض انها اثمن واقيم من انك تضيعها كدة.. اعمل ذكريات حلوة النهاردة احسن وكبر دماغك حبة..كبر دماغك حبة.

حظك اليوم برج الحوت صحياً

( نفسيا وجسمانيا وكل مايخص طاسة المزاج ):

صحيا النهاردة انتا محتاج تسقسق حبة ف طبق بامية لطيف كدة باللمون والكمون..

إعرف توافق برج الحوت مع باقي الأبراج النهاردة:

متوافق مع الابراج الفسفورية والمائية والخشبية والحبهانية والعفريتية والنارية.

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.