طفل المهرجانات يشعل السوشيال ميديا لشرائه سيارة بـ3 ملايين جنيه.. ومتابعيه: يا حسرتي على الشهادة

أثار الطفل سامر المدني مغني المهرجانات، جدلًا عبر مواقع التواصل الاجتماعي، عقب إعلانه شراء سيارة من النوع الفاخر كما تظهر في الصورة التي نشرها.

ونشر «سامر» صورة له بالأمس، وكتب عليها تعليقاً «مفيش مبروك ولا أيه على الـ Range Rover وجاهزين يوم الخميس للاحتفال الساعة 6 مهرجان شيطان يلا إحنا جامدين والله».

وظهر سامر في الصورة وهو يجلس فوق سيارة فخمة موديل 2021 ونوعها Range Rover وسعرها ما يقرب من 3 ملايين جنيه، كما أنه اشترى لوحة معدنية لسيارة برقم مميز، وهذه الصورة أثارت جدلا كبيرا بين جمهور التواصل الاجتماعي.

منشوره حاز على تفاعلات واسعة من الإعجابات والتعليقات والمشاركات التي بدت مضحكة لما دُون عليها من قبل النشطاء.

ردود فعل متابعيه

وانهالت التعليقات على منشور سامر ، حيث كتب البعض:"طب مش مكمل المحاضره اللى بقراها» كما علق أحمد فوزي: «الحكمة من الصورة إن ليس أي سيارة يمكن إدخالها للجراج وشكرا»، بينما كتب أحمد منتصر: «وحسرتاه على الشهادة اللي بنموت عشان ناخدها».

أحد المشاركين للصورة كتب عليها قائلًا: “احنا عايشين ليه” ويبدوا على كلماته ملامح الندم، ليأتي أحد أصدقائه ويرد عليه: “تعليم اي بقاا اناا هروح اشوفي مكرفون جامع وأجيب دي جي”.

بينما شارك آخر منشوره معلقًا:” ده طفل اسمه سامر المدني، بيغني مهرجانات اشتري عربيه Range Rover تمنها 3 مليون جنيه ودفع مبلغ ضخم تاني عشان يشتري لوحة ارقام مميزة برقم 5 في الوقت اللي تلاقي فيه شاب حاصل علي مؤهل عالي شغال ب 1200 جنيه في الشهر!! ده لو لقي شغل اصلا!!”.

وهناك من شعر بالسعادة لـ «سامر» ودعى له بالتوفيق، وذلك كما علق يوسف عصام: «يا شباب الناس كلها دخله تشتم فيه محدش يبص في عيشه غيره ع متحرمش عليه وده واحد بيحلم وبيحق حلمه وربنا يزيده وألف ألف مليون مبروك ع العربية وعقبال x6»، وعلق أيضاً أحمد حسن: «ألف مبروك بالتوفيق والنجاح وربنا معاكم دايما وربنا يعطيك أكتر والرزق الوفير ويبارك في أهلك».

ورد «سامر» على تعليقات التطفل، قائلاً: «الناس اللي بتقول هتحط الشهادة فين طب ما تشتغل وتتعب وهتوصل للبتحلم بيه ولا أنت قاعد ف البيت تبص لده جاب إيه ودا جاب إيه.. أسعى وأشقى وهتجيب أحسن مني ومن غيري.. صباح الورد على كل حبايب قلبي.. صباحكم كله رزق إن شاء الله».