حظك اليوم برج الميزان السبت 5/5/2018 اتسلى ف البطاطس المحمرة

حظك اليوم برج الميزان عاطفيا( الكراش والإكس والبوي فريند والجيرل فريند والجوز والزوجة والقرايب ):

شوف اللي وراك احسن وبلاش هفهفة واحلام يقظة ياكابتن.. الهروب من مسئولياتك مش هيخليها تختفي والله.. مش هيحصل

حظك اليوم برج الميزان عمليا( الشغل والمذاكرة والتخطيط لبكرة ):

محتاج تركز وتبذل مجهود مضاعف وتفوق كدة عشان الاسبوع دة فيه حاجات كتير لازم تتعمل ومهم تتعمل كويس وبمزاج.. حاول تحمس نفسك او تكافئها كل ماتخلص جزء.. ومتلتفتش لكلام الناس المحبطة او الفاشلة من فضلك.. احباطهم وفشلهم دة نتاج تجربتهم ف الحياة واللي هي اكيد مختلفة عن تجربتك لأنك مش نسخة من حد.. افهم دة كويس جدا ياريت

حظك اليوم برج الميزان صحيا( نفسيا وجسمانيا وكل مايخص طاسة المزاج ):

صحتك محتاجة شوية عناية سواء على مستوى البشرة او المناخير او الودان.. كمان فكك من اوهام الدايت النهاردة خالص.. مسير الصيف ييجي وكلنا هنخس بشكل تلقائي متقلقش.. ركز الليلة ف الفاكهة اكتر من الطبيخ واتسلى ف البطاطس المحمرة او المهروسة مع بيض وجبنة رومي.. احتمال تعدل مزاجك مع كوباية شاي.. احتمال بس مش اكيد.. جرب واعرف بنفسك

إعرف توافق برج الميزان مع باقي الأبراج النهاردة:

متوافق مع الابراج الحسواكية والسيميائية والسوبيائية والترابية والهوائية والمائية والبرمائية..

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.