حظك اليوم برج الدلو الثلاثاء 24/4/2018 مجنون وكل دقيقة بحال

اعرف حظك اليوم برج الدلو بالتفصيل الثلاثاء 24/4/2018 مع عبدالله أحمد

حظك اليوم برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

عاطفيا انتا مشتت مابين انك تعدي الايام وخلاص وبين انك تقوم تقلب الترابيزة على دماغ اللي مزعلك ومش راضي يسمع كلامك او يحترمك ويقدرك.. قشطة ماهو انتا برضة خد بالك من انك مجنون وكل دقيقة بحال ومحدش عارفلك بالظبط انتا عاوز ايه او ناوي على ايه يابرنس.. الطرف التاني له حق بصراحة يتجنن منك ومن عمايلك

حظك اليوم برج الدلو عملياً

( الشغل والمذاكرة والتخطيط لبكرة ):

عمليا انتا محتاج تركز حبة وتشيل موضوع الفلوس دة من دماغك خالص عشان تعرف تتفرغ للابداع اللي بجد مش اللي مجرد سد خانة وخلاص.. وياريت متشغلش بالك بأي حد كان بييسرقك او بينحتك.. لكل مديوكر نهاية محتومة بقلة شطارته وإيقاعه العوج وإدعاءه الموهبة واللي لازم مع الوقت يتكشف ان مكانش من الناس هيبقى من الحياة.. والحياة مبترحمش حد إدعى انه فنان وهو مش فنان ولا يعرف عن الفن ايتها شيئ

حظك اليوم برج الدلو صحياً

( نفسيا وجسمانيا وكل مايخص طاسة المزاج ):

ابعد عن اجواء الانتقام والصراع والشماتة.. مش قيمتك ابدا دي.. اوعى تمعمل كدة مهما بدا ليك الامر مغري.. كمل احتفالاتك بالحياة وكمل لعب وجنان برئ وبس

إعرف توافق برج الدلو مع باقي الأبراج النهاردة:

متوافق مع الابراج البسكوتية والبربوشية والكتكوتية والبسبوسية والخيالية والحُبهانية والترابية والهوائية والمائية والمستحمية

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.