جميل راتب: سناء جميل مزعجة.. وتقدر تمثل أم كلثوم على المسرح | نوستالجيا

تحدث الفنان الراحل جميل راتب عن الفنانة سناء جميل، كاشفًا عن رأيه في من الفنانين يستطيع تجسيد كوكب الشرق أم كلثوم في الغناء على المسرح.

 

وقال جميل راتب في لقاء نادر مع جميل المغازي: سناء جميل مزعجة في الحقيقية مش كزوجة كصديقة كمان، ولكن أعتقد إن أي فنان خاصًة لو بالقوة وبالقدرة ديه لا يمكن أن يكون عنده انفعالات عادية مع الناس اللي عايش معاهم، وبيبقى فيه عدم توازن جواها، ومش هي لوحدها كل الفنانين، وهي بالنسبالها أهم حاجه في حياتها تمثيلها وفنها.

جميل راتب: سناء جميل أتولدت على خشبة المسرح

 

وأردف جميل راتب: ده بيفتح الباب على حالات سناء اللي قبل المسرح، لكن سناء الواحد مبيسألش عن ماضيها، وكأنها نسيت ما قبل المسرح، لإن الواحد عنده إحساس إن سناء جميل أتولدت على خشبة المسرح.

 

وأردف جميل راتب: أنا لا يهمني هي بتقول عمرها، ولا حياتها إيه على المسرح، أنا اللي يهمني سناء جميل الممثلة القديرة، إيه اللي وصلها لكده ديه حاجة تانية، وبالنسبالي عندي شخصية مسرحية عظيمة، ماضيها ميهمنيش، وكل ده يدل على حبها للفن، وشخصيتها الكبيرة.

 

جميل راتب: حب الفن مش شخصي

 

واستكمل جميل راتب: حب الفن مش حب شخصي، هي مش فنانة علشان تقول إنها سناء جميل، هي فنانة علشان تخدم العمل، وبتخدم الشخصية، بنخدم فكرة المؤلف، ده رؤيتي للفن.

 

جميل راتب: أعظم ممثلة فرنسية هي إديث بياف

 

واختتم جميل راتب: في وقتنا الحالي أعظم ممثلة فرنسية هي إديث بياف، شخصية مختلفة جدًا وممكن تبقى زي أم كلثوم، أم كثوم شخصية متميزة جدًا، وسناء جميل تقدر تمثل قدرة أم كلثوم على المسرح.