زيزو: أنا مشهور وعندي بطولات إيه اللي يخليني أروح الأهلي

وجه الإعلامي عمرو أديب سؤالًا لنجم نادي الزمالك أحمد سيد زيزو بشأن إمكانية انتقاله للنادي الأهلي، قائلًا: "لو الأهلي قدملك عرض قوي هتعمل إيه؟".

رغبة زيزو بعد الاحتراف

ورد "زيزو" خلال لقائه ببرنامج "الحكاية" المذاع على قناة "إم بي سي مصر": "أنا دلوقتي محسوب على نادي الزمالك وهما محسوبين عليا علشان لو احترفت هارجع بيتي اللى هو الزمالك اللى اتعرفت من خلاله".

شهرة الأهلي والزمالك

وأضاف: "اللى بيروح الأهلي والزمالك علشان يكسب بطولات ويبقى مشهور ومحبوب ويطلع في التليفزيوني وأنا عندي كل ده، علشان إيه أروح الأهلي وأغير الزمالك اللى هو نادي كبير زي الأهلي".

هل يفكر زيزو في الرحيل عن الزمالك

وتابع: "الزمالك زي الأهلي وأنا مستقر نفسيا وواخد وضعي في الزمالك والناس بتحبني بعمل تاريخ مفيش أسباب تخليني أسيب الزمالك وأروح الأهلي، وفي الأول والآخر أنا بحسبها الكورة احتراف".

لماذا يفكر اللاعب في اللعب للأهلي؟

وأكمل: "القصة كلها انت كلاعب بتحسبها إزاي، يمكن واحد يقول أنا أروح الأهلي علشان أكسب بطولة أفريقيا، وأنا أفكر أقعد في الزمالك وأحاول أكسب أفريقيا، وكل واحد وتفكيره ودماغ اللى حواليه وولي الأمر بتاعك وأبوك وأمك ومراتك والناس اللى حواليك اللى بيفكروا معاك".

انتماء أسرة زيزو

ولفت: "البيت كله عندي زملكاوي حتى أصحابي اللى كانوا أهلاوية بقوا زملكاوية علشاني".