مرتضى منصور لـ الخطيب: لو مش عاجبك التحكيم المصري هات حكم أجنبي على حسابي

وجه مرتضى منصور رئيس نادي الزمالك انتقادات لاذعة إلى محمود الخطيب رئيس النادي الأهلي، وذلك تعقيبًا على القرارات التي أصدرها مجلس إدارة الأهلي في اجتماعه الطارئ الذي عقد مساء أمس الخميس.

تصريحات مرتضى منصور

وقال مرتضى منصور في تصريحات تليفزيونية: ياريت يسمعوا كلام الأهلي ويقيلوا لجنة الحكام.. عصام عبدالفتاح راجل محترم، ومافيش تحكيم بالمزاج.

وأضاف رئيس الزمالك موجهًا حديثه لـ محمود الخطيب رئيس النادي الأهلي قائلًا: الزمالك بقاله 50 و60 سنة بيتفرم من التحكيم.. انت مش عاجبك حاجة يا خطيب المشكلة أنت اللي عملتها وفى الآخر بتهدد.

واستطرد في حديثه الموجه لرئيس الأهلي قائلًا: أنت زعلان إن الكورة أوفسايد بفرق مللي.. أومال النادي اللي بيتفرم بقاله سنين يعمل إيه.

وواصل مرتضى منصور توجيه رسائله الساخنة إلى رئيس الأهلي قائلا: أنت هددت تنسحب من السوبر.. هو انت أصلا في السوبر؟.. السوبر بين بطل الدوري وبطل الكأس.

واردف رئيس الزمالك موجهًا حديثه للخطيب قائلًا: انت عامل مانشيت لـ التحكيم الفاجر.. لو مش عاجبك التحكيم المصري هات حكم أجنبي على حسابي.. انت بتقول مش هلعب.. هو احنا بنلعب حوكشة.

وأضاف مرتضى منصور: احنا مش طرف في الازمة وانا فارق عنك بنقاط كثير يعني نقاط ماتش الجونة هي اللي كانت هتكسبك الدوري.

وواصل رئيس الزمالك توجيه رسائله للخطيب قائلًا: انت داخل صدام مع الدولة هو مش عاجبك حد ده اتحاد الكرة ده قرارته على الجميع معقول انت عامل مشاكل مع الكل لا مش بالطريقة دي.