إعلامي ساخرًا من عمر كمال: «يعمل البلوة ويرجع يعيط» (فيديو)

سخر الإعلامي محمد موسى، من مؤدي المهرجانات عمر كمال، بعد تصريحاته عن النقابة في أحد اللقاءات التليفزيونية التي هاجم خلالها النقيب، مشيدا بقرار الفنان هاني شاكر نقيب المهن الموسيقية بإيقافه عن العمل وإحالته للتحقيق.

وأضاف محمد موسى خلال تقديم برنامج "خط أحمر" على قناة الحدث اليوم، "بعد القرار عمر كمال حذف الفيديو وطلع يقول محصلش والأستاذ هاني شاكر جزمته علي راسي يعني عايز يقول إن النقابة بتتلكك له كالمعتاد يعملوا البلوة هو واللي زيه ويرجعوا يعيطوا .

تابع، "يا أخي أنت مين أصلا عشان تطلع تتكلم بالطريقة اللي اتكلمت بها دي عن النقيب بتاعك ومين هو نقيبك أمير الغناء العربي هاني شاكر .. تخيلوا ييجي يوم ويطلع واحد زي عمر كمال ويتكلم عن رمز فني كبير زي الأستاذ هاني".

أتم، "بصراحة لو النقابة رجعت تاني وسمحت له إنه يغني دون أي عقاب فيبقي حضراتكم بتبيحوا لأي واحد تاني يكرر اللي عمله بيكا من كام يوم واللي عمله اللي اسمه عمر كمال مؤخراً ضروري يكون في عقوبة رادعه لهؤلاء".