عمرو أديب يعلق على استبعاد أفشة ومحمد شريف من قائمة المنتخب

قال الإعلامي عمرو أديب: "مدرب المنتخب قرر أنه مش هياخد افشة صاحب القاضية ممكن وشريف المخيف الحريف اللي بياكل بلوبيف، والدنيا مقلوبة، بس احنا مش عايزين من أولها نبص للألوان والأهم لون منتخب مصر".

وأضاف خلال لقائه ببرنامج "الحكاية" المذاع على قناة "إم بي سي مصر": "الراجل لا يعرف أفشة ولا شريف المخيف، وهو حر في قراراته".

وتابع: "ماتش ليبيا صعب جدا، والخواجة علشان لسه جاي المساعدين بتوعه هما اللي بيشيروا عليه وكيروش بياخد توصيات من المساعدين له في الجهاز الفني، وأرجوكم سيبوا الراجل يشتغل، وايه اللى حصل في الدنيا؟، وأهم لاعيبة في العالم بيكون فيه قرارات باستبعادهم".