(ولا تدمعي ولا تركعي ولا تخضعي)

يا مصر همي وإسمعي
وحياة شبابنا لترجعي
كل اللي سبك توجعي
وصوتك يجيب أخر المدا
وعلي الخريطه تربعي
***
دا أنت الهرم وأنت الكرم
وأنت التاريخ المحترم
وأنت الكتاب وأنت القلم
قولي لأقزام الأمم
يا بلاد خبيثه وسعي
***
دا لا وقت زور ولا وقت زيف
الدرب واضح للكفيف
والقمه مش بخت الضعيف
وإبنك أسد إبنك شريف
ولا يسمح إنك تركعي
**
سير يا بطل حبك وصل
لو مَر مُر إحنا الأمل
هيمر بينا ميت عسل
فلا تنكسر ولا تنحني ولا تنهزل
ولا تدمعي ولا تركعي ولا تخضعي
**
سيد فهيم