حظك اليوم برج الحمل الثلاثاء 24/4/2018 بطل تنعي ف حظك الوحش حبة

اعرف حظك اليوم برج الحمل بالتفصيل الثلاثاء 24/4/2018 مع عبدالله أحمدبرج الحمل عاطفيا( الكراش والإكس والبوي فريند والجيرل فريند والجوز والزوجة والقرايب ):

عاطفيا انتا النهاردة محتاج تبطل تنعي ف حظك الوحش ونبص كويس لتصرفاتك.. سواء اللي بتقرب منك الناس الغلط او اللي بتبعد عنك الكويس واللي بيحبك بجد.. لازم تسأل نفسك ليه دايما سهل استغلالك بالرغم من انك مش شخص ضعيف او هش او متوسط الذكاء ابدا يعني.. انتا فعلا محتاج تعرف اجابات واضحة على الاسئلة دي.. دة طبعا لو مهتم تكمل ف حياتك العاطفية بنجاح وخصوصا ف الحب اللي هيبانلك قريب

حظك اليوم برج الحمل عملياً( الشغل والمذاكرة والتخطيط لبكرة ):

عمليا انتا محتاج النهاردة تكمل حلم ولعب وتخطيط للمستقبل وبس.. تفاءل كدة وحاول تاكل كويس ومن بدري وتنزل وتتحرك وتفكك من لعبة مستخبي تحت الغطا ومش عاوز اواجه العالم دي خالص لو سمحت

حظك اليوم برج الحمل صحياً( نفسيا وجسمانيا وكل مايخص طاسة المزاج ):

صحتك زي الفل بس حاول تبقى رقيق حبتين ومهتم باللي بتحبهم وبطل انانية وعند شوية.. العند فعلا هو اللي مبوظلك كل حاجة ف حياتك.. غذائيا حاول تتجه ناحية السمك النهاردة او الشاورمة او الحواوشي (البيتي مش بتاع الشارع).

إعرف توافق برج الحمل مع باقي الأبراج النهاردة:

متوافق مع الابراج البسبوسية واللولبية والفهلوية والكتكوتية والمستحية والهوائية والنارية.

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.