سمية الخشاب توجه نصائح للفتيات: الجواز والخلفه مش إنجاز

وجهت الفنانة سمية الخشاب، مجموعة نصائح للفتيات من خلال عدة تغريدات نشرتها عبر حسابها الرسمي على موقع “تويتر”.

وقالت سمية الخشاب في البداية عن الارتباط: مترتبطيش ومتتجوزيش إلا لما تلاقي حد يفخر بيكي أو بدراستك أو بموهبتك ويسيبك تشتغلي وتعملي فلوس خاصه بيكي بدل ما تخدمي ويرميلك مصروف، يا أما تقعدي في بيت أبوكي معززه مكرمه! محدش يطلع من بيت أهله إلا لمكان أحسن مهما كانت درجة الحب مبتأكلش عيش وبتتمحي شخصيتك ودراستك وتعب أهلك سنين كتير.

وتابعت: على فكرة، الجواز والخلفه مش انجاز، والازدياد السكاني ده اللي بيعمل أزمات اقتصادية، وياريت أي إنسان قبل ما ياخد الخطوة دي يروح يكشف على صحته النفسية عشان ميطلعلناش متحرشين وحرامية ونصابين ويبقي زيادة عدد على الفاضي.