منة فضالي: ”أنا مسرفة جدًا ولازم اللي يتجوزني يبقى جيبه مليان”

كشفت الفنانة منة فضالي عن موقفها من الزواج، وحقيقة لجوئها إلى تجميد بويضاتها بسبب تأخرها في الزواج حتى الآن.

وقالت "فضالي"، خلال لقائها مع برنامج "VIP"، المذاع على فضائية "هي"، إنه فكرت في فترة ما للاتجاه إلى هذه التجربة، متابعة: "كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ".

وأضافت: "أنا صعب جدًا حد يتعامل معايا ومحدش عارفني كويس عشان يتعامل معايا، بالتالي مفيش حد بيستمر، ولازم يعرفوا ايه اللي أنا بحبه قبل اللي بكرهه وهكذا".

 

تعرض منة فضالي للخيانة

وأكدت منة فضالي أنها تعرضت للخيانة من قبل، معقبة: "دي قصة معروفة قفشته وحسيت أن في حاجة مش تمام ولقيت فضائح، أنا بحترم الراجل جدًا ومش ضده بل بالعكس، ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطر أنه يبص برا أو عينه فارغة".

 

وتابعت: أنا مسرفة جدًا ولازم اللي يتجوزني يبقى جيبه مليان، وأنا ارتبطت بواحد مكنش معاه 3 آلاف جنيه في جيبه، وصرفت عليه فلوس كتير، ومكنتش ناصحة وكنت صغيرة، نبقى خارجين مثلا ويحصل موقف ويخلع بطريقة ما".

ونقدم لكم من خلال موقع السلطة تغطية ورصدًا مستمرًّا على مدار الـ 24 ساعة لـ سعر الذهب، أسعار اللحوم، أسعار الدولار، أسعار اليورو، أسعار العملات اليوم ، أخبار الرياضة، أخبار مصر، أخبار الاقتصاد، أخبار المحافظات، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري لـ أخبار الفن والعديد من الأنشطة الثقافية والأدبية.