إلهام شاهين في ذكرى وفاة محمود عبد العزيز: كان في كيميا ما بينا.. وعايش معانا بأعماله وسيرته

تحدثت الفنانة إلهام شاهين عن ذكرى الراحل محمود عبد العزيز، والأعمال التي جمعت بينهم ومن أبرزهم فيلم سوق المتعة.

وقالت إلهام شاهين في تصريح خاص الله يرحمه محمود عبد العزيز كان من أعز أصدقائي ومن أكتر الناس اللي اشتغلنا مع بعض، وكان في كيميا خاصة ما بينا في الشغل، واشتغلت مع أعمال كتير منهم فيلم الجنتل وسوق المتعة، ودنيا عبد الجبار، وهارمونيكا، وفي بداياتي خالص اشتغلنا فيلم العار، وعرضنا مسرحية خشب الورد 3 سنين على المسرح.

وأضافت إلهام شاهين: كان في عشرة ما بينا في الشغل وعلى المستوى الشخصي، وكان صديق مقرب وعزيز ليا، وكنا نعتبر أسرة واحدة، الله يرحمه كان جميل أوي وبنفتقده، ولكن عايش بينا بأعماله المميزة واللي دايما بنشوفها وتفضل الأجيال تشوفها وتتعلم منها.

محمود عبد العزيز وإلهام شاهين

واختتمت إلهام حديثها: الفنان الكبير اللي لي بصمة مش بيموت بيفضل موجود معانا في الحياة بأعماله وبسيرته، وبكل اللحظات الحلوة اللي عشينها معاه، ودايما هو موجود في الذاكرة ودايما معانا.

أعمال إلهام شاهين مع محمود عبد العزيز

قدمت إلهام شاهين مع الراحل محمود عبد العزيز عدة أعمال من أبرزهم، سوق المتعة الذي حقق نجاحًا كبيرًا، وفيلم العار، هارمونيكا، دنيا عبد الجبار، وعدد آخر من الأفلام، وفيلم سوق المتعة كان من بطولة فاروق الفيشاوي، لورا، وعدد آخر من الفنانين، وكان من تأليف وحيد حامد وإخراج سمير سيف.