سارة الطباخ: ”أنا أعرف شيرين وكلنا عيش وملح في بيوت بعض”

نفت المنتجة سارة الطباخ معرفتها بمكان تواجد المطربة شيرين عبد الوهاب.

وأضافت الطباخ في مداخلة هاتفية مع الإعلامي عمرو أديب ببرنامج "الحكاية": "أستاذ ياسر قنطوش محامي شيرين، قرر يحاول يتواصل مع حد وحسام حبيب حاول يتواصل مع ناس كتير جدا ومحدش ساعده وهو يعلم علاقتي بمحامي شيرين، وكان عايز يوصل لمحاميها عشان هي موكلته له حق البحث عن موكلته".

وتابعت سارة: "أستاذ ياسر حاول التواصل مع المساعد الخاص لشيرين ومردش عليه وكلم نقيب الموسيقيين واكد له أن فيه مشكلة وخدنا بعض ورحت النزهة معرفش ايه المكان بالتحديد وأنا أعرف شيرين من كتير وكلنا عيش وملح في بيوت بعض".

- نقيب الموسيقيين: احنا رهن إشارة شيرين عبد الوهاب وندعمها معنويا وماديا

وكان من المفترض أن تحيي الفنانة شيرين حفلاً غنائيًا في الكويت يوم 29 أكتوبر الجاري ولم يتم تحديد موقف الحفل حتى الآن.