في ذكرى وفاته.. ماذا قال خالد صالح عن الموت والمرض؟

تحل اليوم، 25 سبتمبر، ذكرى وفاة الفنان خالد صالح، والذي رحل عن عالمنا في مثل هذا اليوم، عام 2014، تاركًا خلفه إرثًا فنيًا يُقارب الـ 70 عملًا، خالدة في أذهان جمهوره ومحبيه.

وتحدث الفنان الراحل خالد صالح، عن الموت والمرض؛ وذلك في لقاء سابق له مع الإعلامية منى الشاذلي، في برنامجها: معكم، عام 2016، مؤكدًا أنه لم يعش في حياتها بـ سيكولوجية المرض، قائلًا: أنا واجهت الموت من زمان، من وأنا عندي 34 سنة، عملت عملية قلب مفتوح، وغيَّرت شرايين بقالي حوالي 15 سنة، بس عمري ما عيشت الحياة بسيكولوجية المريض؛ لأن سيكولوجية المريض؛ بتخليه غير مُنجز.

واضاف: أنا بحاول، وربنا خلقني عشان أحاول، أنا ولا عمري بـ إيدي، ولا اللي جاي بـ إيدي، أنا اللي بـ إيدي؛ هو اللي أنا بعمله، والموت ده حاجة مالهاش ميعاد أو حاجة معينة، إحنا بنشوف الناس بتعدي الشارع بتموت.

كما تحدث الراحل خالد صالح، عن عشقه للتمثيل، قائلًا: الإخلاص مش بس للتمثيل، أنا بحبه جدًا، ومُخلص له جدًا، وبحترمه جدًا، ومستعد أضحي عشان الصناعة، بحاجات كتير جدًا، وعشان الناس، ودي مش طيابة مني؛ ولكن ده لأن الناس هي اللي عملتني، وأنا أصلًا شغلتي قائمة على الاتصال بالناس، وقائمة على رضا الناس عليا، ولو مش راضيين عليا؛ والله لو أنا مين، ولا هعمل حاجة.

وفاة خالد صالح

توفي الفنان خالد صالح، عن عمر ناهز الـ 50 عاما؛ بعد صراع مع المرض، ومكوثه في العناية المركز لمدة 3 أسابيع؛ بسبب خطورة حالته الصحية، وصعدت روحه لـ بارئها؛ إثر تدهورها بعد إجرائه عملية قلب مفتوح معقدة.