عاجل.. الإسماعيلي يعرض نجمه المتألق للبيع

قرر نادي الإسماعيلي عرض شكري نجيب لاعب الفريق للبيع بشكل نهائي بعد أزمته الأخيرة مع النادي.

وقال يحيى الكومي رئيس مجلس إدارة نادي الإسماعيلي في تصريحات لبرنامج الماتش الذي يقدمه الإعلامي إيهاب الكومي "شكري نجيب لاعب كويس ولكن في حاجة مش مظبوطة".

وتابع "شكري وعنده مشكلة قد تكون عائلية بنسبة كبيرة حسب ما بيقول، عرضنا عليه يكون أعلى عقد في النادي وهو رافض".

وأضاف "ده عقده الأخير في النادي، عقده ينتهي في نهاية الموسم، شكري نجيب بيلاوعنا ويراوغ النادي بشكل غريب، قعدنا اكتر من 6 او 7 مرات معاه، واحنا مش صغيرين ده زي ابننا".

وواصل "شكري نجيب بيتكلم بأسلوب مش حلو، شكري نجيب مش هيلعب في نادي الإسماعيلي تاني، لو جاله اي عرض وهو موافق هنوافق، هيتدرب عادي بس مش هيلعب معانا".

وأكمل رئيس الإسماعيلي تصريحاته "نعرض شكري نجيب للبيع ولو رغب أي نادي في ضمه فلن نمانع".

الإسماعيلي يكشف موقفه من استعارة لاعبي الأهلي في يناير

وعلق يحيى الكومي، على موقف النادي الأهلي من إعارة عدد من لاعبيه في انتقالات يناير القادمة.

وقال الكومي "قدمنا طلب لضم 2 من صفوف الأهلي، اتمنى يوافقوا على رحيلهم".

وتابع "الي عاوزه البيت يحرم على الجامع واكيد لو عاوز الأهلي اللعيبة هيرفض".

وأضاف"كلمت خالد مرتجي ومحمود الخطيب بالفعل، ممكن يكون كهربا في الحسابات".