حسن شاكوش يسخر من رضا البحراوي ورد فعل صادم من الأخير

نفى مطرب المهرجانات حسن شاكوش سبه والدة المطرب رضا البحراوي، وقال: «بتقول يا رضا إني سبيت والدتك وعائلتك ووالدك، ولكن ذلك لم يحدث، لإن والدتك زي أمي وجزمتها فوق راسي، لأنها من مقام أمي بالظبط، وأنا مغلطتش في حد».

وتابع حسن شاكوش في لايف نشره عبر موقع التواصل الاجتماعي «فيس بوك»، وقال: «أنا قولت إفيه في حفلة من فيلم حين ميسرة، لكن مجييتش سيرة رضا البحراوي، والبلد فيها قانون أكيد ومفيش حد فوق القانون، وكل واحد ياخد حقه، ولو هتبص على الغلط أنت اللي غلطت فيا وسميت اسمي وقولت فين شاكوش، ولو على الغلط أنت اللي غلطان، لكن أهلك على راسي».

وأوضح حسن شاكوش إنه لم يطالب رضا البحراوي بمشاركته في ديو غنائي، مضيفًا: «أنا مكنتش بتصل بيك عشان أقولك نعمل أغاني مع بعض، أنا بعتلك على واتساب وقولت لك كل واحد فينا في حتته، وياللي بتطالب بحقك من نقابة المهن الموسيقية، هوالفن بتاعك إنك تقول كان نفسي في شاكوش هو فين».

حسن شاكوش

وأضاف حسن شاكوش ردا على رضا البحراوي: «لو على الفن فهكلمك بالأرقام والتاريخ، ولو عديت من هنا للصبح فأنا قناتي 2 مليار مشاهدة، والأغاني بتاعتي أنت لو اشتغلت طول عمرك ولحد ما تبطل وشعرك يبقى أبيض، مش هتعرف تعمل أغنية زي بنت الجيران بس وتحقق مشاهداتها، ولو طلعت البطاقة بتاعتك يا رضا هتلاقيني أكبر منك».

وكانت حدثت مشاجرة بين كل من حسن شاكوش ورضا البحراوي يوم الجمعة الماضية، وذلك خلال حفل جمعهم مع حمو بيكا في الساحل الشمالي.