حظك اليوم برج الجوزاء الاثنين 9/6/2018 متحكيش أحلامك لحد.. إوعى

حظك اليوم برج الجوزاء عاطفيا

( الكراش والإكس والبوي فريند والجيرل فريند والجوز والزوجة والقرايب ):

حاول متدورش على تفسير واضح لأحلامك لما تصحى.. عقلك من حقه يفش غله ف شوية تخيلات وانتا نايم عشان يعرف يواجه اللي بتعمله فيه لما تصحى.. دة حقه الحقيقة ومن حقه تحترم خصوصيته حبة ومتحرجوش.

حظك اليوم برج الجوزاء عملياً

( الشغل والمذاكرة والتخطيط لبكرة ):

عمليا حاول تحط اولويات بشكل واضح وتعرف ايه يستاهل تشتريه وايه يتأجل عادي بحيث متحصلكش اي ازمة مادية لا قدر الله..

حظك اليوم برج الجوزاء صحياً

( نفسيا وجسمانيا وكل مايخص طاسة المزاج ):

صحيا انتا محتاج متحكيش احلامك لحد ابدا ابدا.. اوعاك ف يوم تفتن على عقلك الباطن لأنه ممكن يخاصمك ويضايقك بجد ولفترات طويلة.. احلامك ملكك وبس

إعرف توافق برج الجوزاء مع باقي الأبراج :

متوافق مع الابراج الحرنكشية والمائية والهوائية.

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.