موقع السلطة
الخميس، 28 مارس 2024 12:30 مـ
موقع السلطة

رئيس التحرير محمد السعدني

  • اتحاد العالم الإسلامي
  • nbe
  • البنك الأهلي المصري
فن

ياسمين الخطيب: كل الرجالة اللي قالوا إني إتجوزتهم مشوفتهمش

ياسمين الخطيب
ياسمين الخطيب

خصص الإعلامي أحمد سالم، حلقة اليوم، من برنامجه «لحظات جريئة»، الذي يُعرض على شاشة «القاهرة والناس»، للحديث عن الشائعات، وحاور ياسمين الخطيب، حيث قالت: «كل الشائعات اللي طلعت عليا ملهاش علاقة بالواقع، كل الرجالة اللي ربطوا بين اسمي وأسمائهم في علاقات زواج مشوفتهمش في حياتي ومعرفهمش، واللي بيضحكني الكلام عن الفلوس وإني أخدت كام مليون في عمل».

فيما قالت الإعلامية هبة الأباصيري، خلال حوارها في البرنامج نفسه، «لما بدأت أكون مذيعة واتشهرت شوية، كانت أغلب الشائعات من نوع واحد وهو الزواج، وغالبا زوجوني أغلب رؤساء القنوات ومديرينهم اللي اشتغلت فيها، ومبقاش يفرق معايا حتى وأنا متجوزة».

وقال الكابتن شادي محمد: «فيه إشاعة طلعها علاء صادق بعد انضمامي للنادي الأهلي بسنتين، وكانت نقطة تحول في حياتي، وقال إن الإهلي استغني عن شادي محمد، فوالدي كلمني وكنت أول مرة أحس بدموع وقولتله سنة الحياة، الكلام معلهوش جمرك، وبسبب كلمة علاء صادق كنت بتمرن 3 تدريبات، وقعدت كملت بعدها 10 سنين مع النادي».

بينما قالت الإعلامية مني عبد الغني، إنها لم تواجه الشائعات طيلة فترة عملها، بينما ما لاحظته هو وجود معلومات مغلوطة لها على موقع «ويكيبيديا»، «قايلين إني أتجوزت 3 مرات، وواخدين اسم زوجي حطينه مرتين، ودي غلطة وعايزة تتصلح وأنا مش فاضيالها».

وقال المطرب الشعبي حمو بيكا «سمعت شائعة إني خبطت 7 عربيات في الساحل الشمالي، وأنا كنت نايم، وصاحبي اللي كان عامل الحادثة وصحيت وروحتله والكاميرا كانت جيباني وأنا نازل من العربية، وصاحبي كان بعربيته، ووكيل النيابة طلب تفريغ الكاميرات وجاب صاحبي وهو بيخبط العربية».

بينما قال المطرب الشعبي حسن شاكوش «كل ما أتصور مع واحده يقولوا مرات حسن شاكوش، أو خطيبيته الجديدة»

بينما قال المطرب الشعبي عمر كمال «أي واحدة بتصور معاها صورة عادية بيقولوا إن بيني وبينها حاجة، خطيبته أو متجوزها أو مصاحبها»، ورد سالم، ضاحكًا: «ده يخليك راجل جان يعني وعامل شغل.. هو ده بيضايقك؟»، فرد: «التعليقات بتضايقني والناس بتاخد عني فكرة غلط، ودائما بعزر الناس».

وتابع: «أكتر شائعة ضايقتني إني متجوز جوهرة، وقالولي إنت مسألتش جوجل عنها الأول، والكلام بيجرح، وبياخدوا فكرة أني شخص عديم الشخصية».

البنك الأهلي
ياسمين الخطيب لحظات جريئة أحمد سالم القاهرة والناس
serdab serdab serdab serdab
CIB
CIB