حظك اليوم برج الحوت الأربعاء 13/6/2018 إجري ورا أحلامك النهاردة

حظك اليوم برج الحوت عاطفيا

( الكراش والإكس والبوي فريند والجيرل فريند والجوز والزوجة والقرايب ):

يوم لطيف جدا ومناسب عشان تأجر عجل وتجري ورا أحلامك.. أو تجري هي وراك.. مش فارقة المهم تنبسطوا سوا ومتتخانقوش.

حظك اليوم برج الحوت عملياً

( الشغل والمذاكرة والتخطيط لبكرة ):

يوم مناسب عشان تعاند ف الاتجاه الهوا وف اتجاه السائد والعادي والطبيعي والمتوقع.. يوم مناسب عشان تفكر ف كل حاجة مكانش ليها وقت قبل كدة وكان نفسك تعملها.. يوم مناسب لتشغيل العقل والخيال ف الحاجات اللي تحبها وتختارها والحاجات اللي تسعدك.. مش الحاجات اللي تضايقك او تحسسك بالوحدة..

حظك اليوم برج الحوت صحياً

( نفسيا وجسمانيا وكل مايخص طاسة المزاج ):

صحيا النهاردة يفضل الاتجاه للأيس كريم وللدرة المشوية وللتمشية الليلية اللطيفة ف الهوا وبعدي عن الزحمة وعن الدوشة وعن الرغي وعن المحلات وفتارين المحلات.. غذائيا ركز حبة ف البيتزا النهاردة ان امكن..

إعرف توافق برج الحوت مع باقي الأبراج النهاردة:

متوافق مع الابراج الفسفورية والمائية والخشبية والحبهانية والعفريتية والنارية.

حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.