موقع السلطة
الجمعة، 29 مارس 2024 02:58 صـ
موقع السلطة

رئيس التحرير محمد السعدني

  • اتحاد العالم الإسلامي
  • nbe
  • البنك الأهلي المصري
حظك اليوم

حظك اليوم والتوقعات الفلكية الاربعاء 7 أكتوبر 2020

الأبراج 
الأبراج 

قدمت خبيرة الأبراج وعالمة الفلك جاكلين عقيقي ، حظك اليوم الاربعاء 6 أكتوبر 2020، لجميع الأبراج الفلكية على النحو التالي:

الحمل

مهنياً:استغل نهارك قد مافيك الوضع مساعد لتنقلات ودعم بس المسا في خبر بخص العيلة او احد افراد عيلتك .. عم ترتاح من ضغوط العمل وبتحس براحة وبكون عندك لقاءات وعندك قدرة تتحرك وتتمتع بطاقة وكاريزما واذا عندك شي مهم خلصو هاليوم ولا تأجل شي للمسا لانو قصة بتشغلك وممكن تخليك عصبي ومنفعل زيادة عن الزوم روق وأبتعد عن السلبية وهدي اعصابك لتوصل وتنجح وتقضي سهرة حلوة مع العيلة وعزائم وناس بتحبا ..

عاطفياً:مانك مرتاح والوضع بعدو متعبك وعم يفرض عليك واقع ما لازم تكون في تعبت من وضعك ومن نفاق والوعود الكاذبة بعرف قلبك طيب وعم تتحمل فوق طاقتك والخطوة الاخيرة عم تكون ناقصة عندك.. توترات عم تكون واضحة بعلاقتك وفي شكوك وغيرة وشريك ماعم يتحمل مسؤولياتو بشكل المطلوب خفف شكوك وغيرة ولا تفرض بعض المتطلبات فرض اذا ما كانت من تلقاء نفسه .. اخلاقك ديقة وصوتك طالع وعصبي .. بدي منك تهدي وتفكر بوضعك اكتر ونتبهلي لاي خطوة ممكن تفكر فيها ولا تكبر القصص هالمرة ..

صحياً:الوقوف والجلوس طويل ممكن يسبب الك مشاكل بالفقرات وزيادة بالوزن ريح حالك وتهتم بنظامك الغذائي وبصحتك اكتر ..

❤غنيتك❤اليوم:قلبي مال .. رامي عياش

الثور

مهنياً:مانك مرتاح مالياً وضغط بعدو مسيطر ومن المسا امورك عم تتحسن شوي .. هديلي حالك وبلاخص عم تلاقي عرقلة او تأخير بأمورك وبتلاقي ضغط عليك عم يكبر والفلك عم يحزرك من ضرورة الانتباه الى وضعك المالي لانو مصاريفك عم تزيد وماعم تلاقي حلول استراتيجية .. لمسا امورك بتبلش تتحسن و بتركز وبتكون نوعاً ما افضل بنشاط وطاقة وحركة واتصالات والبعض بفكر بقصة سفر وعندك مهام جديدة او فرصة جديد لتحسن امورك ..

عاطفياً:كون ذكي بعلاقتك وتعرف كيف تتعامل مع الشريك وتكسب قلبو انا بنصحك تقدم شوية تنازل وتحاول تغير الوضع وتعمل مفاجئة بشي معين وتكون اكتر مرونة ع القليلة لتحافظ على علاقتك وتستقر امورك وحاول تلاقي حلول لمسا الاجواء بتكون افضل وحب ممكن يكون ع طريق ونتظر مفاجئة هاليومين تحسن وضع علاقاتك ..

صحياً:استقرار وضعك بحاجة للارادة وتصميم في متابعة مابدأته من اعمال بخصوص الصحة ..

❤غنيتك❤اليوم:كيفك انت .. آدم

 

الجوزاء

مهنياً:تحسن بوضعك واذا عندك شي مهم خلصو بيومك والمسا في مال وقصص مالية عم ينحكي فيا ومصاريف .. استغل نهارك بتكون مدعوم بفرص جديدة وتتطورات ايجابية طاقة واخبار حلوة وقادر على تتجاوز اي عراقيل بيومك وبترتاح وبتغير جو لمسا بدي منك لا تقدم على اي شي بدون ما تدرسو بشكل منيح بالأخص قراراتك والخطوات الي بتهم حياتك المستقبلية ونتبه لمصروفك المالي ممكن عم تصرف بسهرتك وبيومك كتير وقصص مالية بدك تهدي فيا وممكن تنقلات او سفر بيشغلك ..

عاطفياً:استغل يومك لتكون بوضع احسن وامورك تبقى تمام وتحسن علاقتك وبلاخص اذا في لقاء او اذا حابب تعمل اتصالات لاجواء مساعدة الك بنهارك بشكل كبير حاول تستغل هاشي والمسا حاول تتقرب اكتر من الشريك وتبادر وتهتم اكتر وممكن اعجاب او مصارحة ولاجواء تكون افضل من قبل بالفترة جاي..

صحياً:مصاريف على صحة او تجميل او حمية ولازم تنتبه لزيادة الوزن ..

❤غنيتك❤اليوم:نصيبي ... معين شريف

 

السرطان

مهنياً:مطر او مجبر على القيام ببعض الامور المتعبة او ممكن ماكنت راضي عنا .. بدك تهدي بيومك لانو في ركود وماقادر تعمل شي وحتى عم تلاقي مزاجية وتقلب بالاحوال ومافي شي عم يتم او ينتهي متل مابدك رغم انفتاحك لكبير على ناس والمبادرات والمساعي الي عم تقوم فيها .. أخر سهرة القمر تدريجي بيدخل لبرجك ليضيف تغيرات بوضعك وبيعطيك نشاط وطاقة وتحسن تدريجي بتلاقي دعم واجتماعياً افضل وعزيمة وعم تجهز لامور مهمة رح تعملا ابداً من الخميس ..

عاطفياً:يومك متعب عاطفياً هدي وروق بس لمسا بتكون قادر على فرض أرائك وقناعاتك وبتكون افضل وبتتحسن نفسيتك وعاطفتك وبتكون جذاب وانت بحاجة لتعامل برومنسية أكتر مع الشريك بعتقد انور الشريك بيتقبل الافكار والمعطيات وانا بنصح بالمبادرة لتتحسن وضع العلاقة بينك وبينو وتكون لامور تمام على الاقل لتطلعو بأقل الخسار اذا كان كان في رضى من طرفين .. لقاء او اتصال بعد فترة متعبة واعجاب عند الاعزب ..

صحياً:نتيجة تغيرات بلاوضاع الاخرى بشكل تدريجي عم ترتاح نفسياً وصحياً وان شاء لله لامور للاحسن من المسا ..

❤غنيتك❤اليوم:ياريت بترضي ياريت..رامي عياش

 

الأسد

مهنياً:مال وقصة اوراق ومركز حكومي وعلاقات اجتماعية المسا .. خلص امورك هاليوم وأستغل الاجواء ودعم الفلك الك وبلاخص اذا بدك مساعدة فيك تطلب وحاول اذا عندك طلب او اختبار او لقاء مهم خلي بهاليوم وحاول تبقى مع رفقاتك وتكون اجتماعي بيومك خلص المهم وضروري واستغل عامل الوقت .. المسا نتبه لسوء تفاهم او مشكلة مع حدا مقرب ولا تبادر بشي حتى ماتتعرض لخيبة امل حاول ماتدخل بشي مهم ونشالله امورك رايحة بتجاه تحسن كبير بعد يومين ..

عاطفياً:الاعزب يوم افضل الك وتغيرات بوضعك .. المرتبط عم تقضي يوم حلو وتواصل واتصالات وممكن تغييرات عم تتجاوزها ولقاءات حلوة وانسجام متبادل بينك وبين الشريك وممكن العلاقات والاتصالات عم تتطور لحميمة اكتر وعم تغامر بخطوات اكتر جرئة .. اخر سهرة خفف من حدة كلامك او باتصالاتك ممكن في شي طارئ او على سبب انا بشوفو تافه يصير مشكلة ..نتبه وحاول تكون ذكي لتعرف كيف ممكن تجيب لوضع لصالحك بدون انفعال وعصبية او تخلي وضع العلاقة يسوء ..

صحياً:ضيق تنفس وبتحس في شي كابس على صدرك مانك مرتاح ونومك ماعم يريحك مافي شي مستاهل لا تخلي وضعك العاطفي يأثر عليك صحياً ..

❤غنيتك❤اليوم:يادني ... معين شريف

 

العذراء

مهنياً:مدري انت عصبي مدري ناس مو شغلتا غيرك هدي بعلاقاتك ومن المسا تحسن كبير بوضعك .. صبرت كتير على ناس مابتستاهل وكل مرة بتقول ممكن يتغيرو بس دق المي وهيي مي بتشغلك اكتر من قصة وتفكيرك شغال بأكتر من اتجاه خلص شغلك هاليوم لترتاح شوي من هاضغوط والبعض ببلش بشغل جديد وهاشي بخليك تغير وضعك للافضل بس بدي منك تكون حزر من عصبيتك وتكون اكثر دبلوماسية بيومك وبلا ماتنفعل وتعصب من اي قصة ممكن تصير معك .. لمسا انت افضل طاقة وحيوية ونشاط وبترتاح من ضغوط ودعم حواليك وممكن عندك سهرة حلوة ومميزة ولقاءات وزيارات واتصالات حلوة والبعض بجهز لسفرة قصيرة ..

عاطفياً:شغل وضغوط والألتزامات عم تخليك بعيد عن شريك او عن العاطفة بشكل عام .. احساس بالوحدة ومشاعر عاطفية متعبة بلاخص بنهارك من المسا في مشاعر عم تكبر واحساس وشغف عاطفي المسا عم تتمكن من تجاوز بعض الخلافات وبترجع علاقتك للافضل والشريك ممكن يدعمك من جديد وهاشي كلو بكون في سبيل استقرار العلاقة .. بتزيد جاذبيتك وحضورك مميز بطلتك و تواصل ببلش لمسا واتصالات ممكن تستمر حتى صباح للبعض . .

صحياً:بترتاح صحياً ونفسياً من المسا نام منيح واستعد ليوم اكثر راحة وترفيه ومشوار من الخميس ..

❤غنيتك❤اليوم:عم تلعبلي بأعصابي .. ايمن زبيب

الميزان

مهنياً:مدعوم بطاقة وحظ بيومك اتصالات وتواصل وتنقلات وناس جديدة عندك .. خفف تشائم وعم تنفخ وكأنو مو عاجبك شي ا تتكاسل بهاليوم وجهز حالك لانو عندك اختبارات الخميس .. الحظ معك لتخلص كلشي صبح اتصالات بتكتر واخبار حلوة ولقاءات بتكون بنهارك والمسا بتزيد المسؤوليات وفرصة لتحكي بمواضيع مهمة بتخصك او اذا عندك شي بدك تحضر له وممكن قصة او فكرة بتخطر ع بالك وممكن تحكي فيها وامور عقارية واجتماعية بتتحسن..

عاطفياً:شريك متفهم وعم يقدر وضعك وكمان انت لازم تقدر هاشي مو كل يوم الفرصة بتكون مواتية لوضع جيد وتناغم ورومنسية .. طلبك مجاب فيك تطلب وتحل مشكلة او اذا في اتصالات خليها بفترة لنهار وضعك بكون افضل وتحولات بعلاقاتك بشكل ايجابي .. لمسا بدي منك تبقى هادي وتفكر بعلاقتك وبلا مشاكل ونقار مع الشريك وحاول تحط نقاط على الحروف وتتفاهم اكتر معو لتعزز الوضع ممكن تواصل مايكون بالمستوى المطلوب بس يالله لمعاملة مع الله ..

صحياً:بتخف عنك بعض ضغوط والمسؤوليات وهاشي بيعطي وضعك الصحي تحسن جيد وراحة اكتر ..

❤غنيتك❤اليوم:دهب ياحبيبي ... جورج وسوف

العقرب

مهنياً:مال بيشغلك بنهارك والمسا تدريجي الوضع بيتحسن .. بتشغلك امور عاطفية وشراكات والوضع بعدو مومريح عم تعود الامور الي طبيعتها وانت بيوم مميز لترجع طاقتك وترتفع المعنويات بتلاقي حلول ايجابية لمشاكلك وممكن امور مالية رح تشغلك هالفترة او قصة قضائية .. يوم داعم الك ولحظ بكون معك وبتفكر تسافر او تغير جو بتكتر اتصالاتك ولقاءاتك واجواء وعزائم وامور اجتماعية وتنقلات ..

عاطفياً:الك فترة تعبان وصراعات داخلية عم تتعرض الها وممكن عم تقنع حالك ببعض الامور بلاخص تفكير وضغط من عدة جوانب بتقرب خطوة بترجع خطوتين .. بعد فترة متعبة في لقاءات واتصالات ومصالحات ولفلك داعم الك من المسا ..فرصة عند لبعض ليرجع وضع علاقتو ع طريق صحيح بدي ياك تستغل يومك بالعاطفة .. بلاخص كتير كتير تعبان من جواتك وماعم تقدر تنسا او تتأقلم مع الوضع الجديد ..

صحياً:مشاكل المعدة وجهاز الهضمي وتفخة نتبه منها واي مشكلة صحية لا تأجل علاجها وتخلص منها بشكل سريع..

❤غنيتك❤اليوم:انا بعشقك انا .. ميادة الحناوي

القوس

مهنياً:شراكات وشغل بنهارك ومن المسا المال بيشغلك .. عم يكون يومك في عرقلة وتأجيل وممكن مساعيك ماعم تتكلل بنجاح او ماعم تكمل معك حتى طاقتك ضعيفة ومافي نفس ع شغل ولا على شي وممكن تنتبهلي لبعض العلاقات المتعبة .. المسا بتبلش تاخد نفس وامورك بتبلش تتحسن واجواء حلوة ولقاءات واتصالات وبتخف ضغوط عنك وبتتحسن نفسيتك وبتلاقي حلول لمشاكل تعبتك واذا ناطر مال او بدك مال ممكن تحصل عليه هاليومين وشراكات ممكن تشغلك او بعض ترتيبات المالية ...

عاطفياً:لا تحمل القصص اكتر مابتستاهل ممكن القدر يلعب دوره بيومك المهم هدي حالك ولا تحسم امور ممكن تنعكس عليك وتسبب توترات مستقبلية خلي قلبك طيب متل مابعرفك ..مو حابب تخسر وممكن تتقرب من الشريك وتحاول تتصالح معو وانا بشجعك على هاشي افضل الك .. فترة قصيرة وامورك كتير منيحة وبتنجح بكسب الشريك وقلبو بهاليوم وبلاخص فترة لمسا ..

صحياً:المقالي ممكن تسبب مشاكل بالمعدة وتفخة او حرقة بالبلعوم بسبب الزيوت المشربة ..

❤غنيتك❤اليوم:سر حبي ليك .. راغب علامة

الجدي

مهنياً:يومك مضغوط بعدو خلص امورك ولا تأجل شي وكون عند وعدك والتزاماتك ومال من شغل او شراكة .. نظم وقتك وبتخلص شغلك على اكمل وجه بعد ضغوط والحلول كانت معقدة يومك بحاجة لدقة وتسرع ممكن يسبب عرقلة لان في ناس ناطرتك على دقرة وغلطة صغيرة حتى تشمت فيك او لتكبر القصص لهيك انت لازم ماتفكر بحدا وأبتعد عن المواجهات واي شي ممكن يسببلك مشكلة .. حاول تغير جو بعيد عن تشنجات والمشاكل وحاول تتمتع بطاقة ايجابية وتحسن بنفسيتك من المسا انت افضل وناس وزيارات وحكي بشغل وهم بينزاح عن صدرك ..

عاطفياً:فرصة لتقضي وقت مع الشريك وبصير تقارب اكتر وحاول تتجاوز اي خلاف كان موجود لتكون امورك افضل اتصالات طويلة وتواصل وراحة وفيك تطلع من وضعك والبعض عندو فرصة ليوقع بحب شخص وبتوقع انو الحب والعلاقات العاطفية ممكن تاخد وقت اكتر بدي منك تستقر بشكل جدي بوضعك وتفكر تعمل شي مستقبلي العلاقات الاخرى مارح تجيب نتيجة بلاخص عند الرجال ..

صحياً:بسبب ضغط الي عليك ممكن عم تعاني صداع شديد ونتبه من اشعة الشمس وبعد عن ضجيج ..

❤غنيتك❤اليوم:والله وعلقتك فيي .. ملحم زين

الدلو

مهنياً:في مال بيومك وعزائم وتنقلات كتيرة عندك وقصة عقار بتشغل البعض .. استغل يومك انت بوضع افضل وامورك بتكون منيحة الحظ بيدعمك وبكون معك لتخلص شغلك وتجهيزاتك وتصليحاتك على الاخر وبترتاح وبتحس حالك حققت شي مهم بعد تعب كان عندك .. لقاءات وعزائم وناس بحدك ضب شوي ايدك ع مصاريفك فترة مؤقتة ونشالله امورك منيحة مالياً ورح يجيك مال .. اتصال ومسؤوليات وشغل وقصة عقار هدي شوي بنقاشاتك وعصبيتك ولا تبلش نقد وتوجيه ملاحظات او تكبر الموضوع ..

عاطفياً:استغل يومك لتحسن امورك وانت بأجواء افضل عاطفياً وجاذبيتك وسحرك بزيد واعجاب موجود فيك وتفاهمات وتواصل عم يكبر وممكن عزيمة مع شريك او اجواء فيها شغف عاطفي .. المسا نتبه على وضعك حتى ماتتعرض لخيبة امل او بسبب تقلبات المزاج ولا تندب حظك هاد واقع انت بتتعامل بطيب نية مع الشريك وهو ببادلك بسوء وخذلان فكر بحالك وبس والي بدو يروح قلو الله معك مافي شي مستاهل دمر حياتك ومستقبلك العاطفي كرمالوا .. ولي على قلبك شو طيب ضيعانك ..

صحياً:وضعك الصحي مرتبطت بالاوضاع الاخرى وانا شايف اغلب مشاكلك نفسية عم تأثر على مشاكل جلدية ومعدة وضيق تنفس ..

❤غنيتك❤اليوم:عاود على قلبي .. ملحم زين

الحوت

مهنياً:بلا مشاكل بيومك وهدي بوضعك العائلي وانفراج وتحسن بسهرتك .. بعدك مو مرتاح ولامور المحيطة فيك عم تعملك قلق والمقربين عم يكونو احيانا سبب مشاكلك حاول تهدي حالك ولا تدخل بنقاش وجدال عقيم او توتر حالك على كلمة من هون ومن هون وعلى شي مو مستاهل طنش ماحدا بيستاهل .. اتصال مهم المسا او شي بيتعلق بالمال او نقل ومكان جديد بتتخلص من مشاكل كتيرة كانت بيومك لترتاح سهرة حلوة او عزيمة ولمة حلوة ..

عاطفياً:اذا انت مو فهمان على حالك بقا مو العتب على القلب .. قلبك طيب وعم يوديك لاماكن واشخاص متعبة مدري اختيارك او حظك عم يكون منحوس .. بعدو القلب مشاق وشريك متعبك وانت بحاجة للحساس والحب ولشخص يستاهلك .. مافيك ع البعد وبحاجة لشريك بلاخص هالفترة اذا كان في خلاف واذا بعيد عنك بتقضي اتصال طويل معو ..والمسا جاذبيتك مميزة وحليان والعين عليك في مصالحات وممكن البعض فرصة بسهرة ليلاقي حب وابتسامة ع وجهك وممكن حدا يعترف بحبو .. بس الله يعينك على قلبك شو متعبك ..

صحياً:الجهد وتعب قد يؤدي الى مشاكل صحية بلاخص ضغوط نفسية ضمن العيلة اي عارض حاول تستشير طبيب ..

❤غنيتك❤اليوم:عم اتعلق فيك .. نانسي عجرم

البنك الأهلي
الأبراج  جاكلين عقيقي حظك اليوم  الأبراج الحمل الثور الاسد
serdab serdab serdab serdab
CIB
CIB