أول ظهور لـ شريف منير ونجلتيه بعد واقعة إنستجرام

شارك الفنان شريف منير ، جمهوره فيديو بصحبة نجلتيه فريدة وكاميليا، بعد تعرضهم لـ التنمر على إثر نشره صورة لهم عبر حسابه على إنستجرام، قائلاً "مساء الخير، دول المذنبين، دول المتهمين، اللى عملوا المصيبة، وبوظوا البشرية، وأذوا الناس والدين، لأن الناس اللى بعتولى بيكلمونى بالدين، اللى شتمونى ملايكه بيكلمونى بالدين، هما دول البنتين الكبار أوى اللى اذوا الدنيا كلها".

واستطرد "منير"، أنا بشكر كل الناس اللى وقفت جمبى، ودعمتنى ودعمت فريدة وكاميليا، وبشكركم جداً على إحساسكم وشعوركم، واللى طالبه منكم يكون فى من النهاردة وقفة قوية، يجوز أننا نكون نقطة تحول لحاجات هتحصل الفترة الجاية، لو سمحتوا لازم نكون كلنا ايد واحدة، وأى تنمر او أذى نفسى يحصلك متسكتش وتقدم ببلاغ، الاهتمام من النائب العام غير طبيعى، ولازم نحط حدود للناس اللى بتحدد لنا حياتنا، ولازم يكون فى اخلاق ولا للسفاله ولا لعدم الاخلاق ولا للقذارة، ودول بناتى اللى اتهانوا لمجرد أنى كنت فرحان بيهم، واخدت على دماغى جامد، والرد هيكون جامد اوى وبيننا الأيام".

وأضافت نجلته "فريدة" خلال الفيديو المنشور"انا اتهنت، وأتاذيت وعاوزة حقى ومتأكدة أنه هيرجعلى إن شاء الله، وأوضحت بدورها نجلته "فريدة" ناس كتير شتمتنى، وشتمت بابا، ومحبش أشوف بابا يتشتم، وعاوزة حقى، وأكد "منير" على أننا نعيش فى دولة قانون ودولتنا قوية، وسيأخذ حقه وحق نجلتيه القانون".

وكان الفنان شريف منير نشر عبر حسابه الرسمي على موقع التواصل الاجتماعي "إنستجرام" صورة لابنتيه فريدة وكاميليا، مساء اليوم، معلقا عليها: "فريدة شريف منير .. اللى قاعدة .. كاميليا شريف منير .. اللى نايمة .. تصوير: كاميليا شريف منير ".