حمو بيكا: محمد رمضان بيقلدنا.. وكان عندي موتوسيكل قبل الشهرة

رفض مطرب المهرجانات حمو بيكا الأصوات التي تصفه بأنه يقلد النجم محمد رمضان بنشر صوره بجانب سيارته، مؤكدا أنه لم يقلد رمضان ولا غيره من الفنانين قائلا: "أنا مش بقلد حد وأنا عندي عربيتين والعربيات اللي عندي جايبها قسط وقبل الشهرة كان عندي موتوسيكل".

واضاف خلال لقائه ببرنامج "شيخ الحارة والجريئة" تقديم المخرجة ايناس الدغيدي المذاع على قناة القاهرة والناس، أن محمد رمضان هو الذي يقلدهم في الفن الشعبي، مضيفا: "محمد رمضان اللي بيقلدنا وهو ممثل المفروض ملوش علاقة بالغناء، ولو هو مش ممثل وغني مهرجانات ولا كان حد عرفه، والناس بتسمعه عشان هو كان ممثل محبوب" .

ورفض حمو بيكا، مقارنته بالمطرب الشعبي مجدي شطة أو اعتبار شطه أفضل منه من ناحية الأداء والغناء، قائلا: "مفيش حد أفضل مني ومين اللي يقارني بمجدي شطة، ومجرد ذكر اسمي شهره له، وأنا أكبر من أني أرد عليه ولو مجدي شطة صوته حلو يبقى مصر كلها صوتها حلو".