لأول مرة .. تامر حسني يتعاقد على فيلم من إنتاج شقيقه

نشر الفنان تامر حسني صورة تجمعه مع شقيقه الأكبر حسام بعد الانتهاء من مضي عقد أول فيلم من إنتاجه، عبر حسابه الشخصي علي موقع "إنستجرام".

وعلق حسني: "الصورة دي والفرحة اللي في ضحكة حسام أخويا لازم اكلمكوا عنها دا حسام أخويا الكبير كان نفسه يدخل عالم الإنتاج الفني من 5 سنين وينتجلي، وأنا الحقيقة كنت دايمًا برفض وكان بيزعل مني بس كنت دايمًا بشرحله أنه لازم يدرس السوق الأول وميعتمدش عليا ويفهم ويذاكر كتير أوي مش عشان ينتج لا، عشان يكون منتج شاطر وفعلًا عمل كدا واستوعب كلامي وبدأ يتفرج ويتابع كل اللي بيحصل من أول فيلم أهواك وتصبح على خير لحد ما شارك بجزء بسيط في إنتاج فيلم البدلة، وأشرف على إنتاج ألبومي عيش بشوقك وأنتو أكيد شايفين العملين طلعوا إزاي للناس وإزاي نجحوا والحمدلله كل عمل فيهم في السنة دي حقق نجاح كبير جدًا".

وكشف تامر: "أنا في الصورة دي كنت قاعد بمضي عقد أول فيلم إنتاجه وكان بيقولي (طلعت عيني عشان القعدة دي)، وأنا كنت بقوله إوعى تزعل مني أنا كنت بعلمك تكون قد المسئولية لوحدك ودلوقتي بأمانة أنت قدها وأنا اللي فخور أنك بتنتجلي عشان شايفك بجد شخص بقى شاطر جدًا ومجتهد وبتفكر صح".