موقع السلطة
الجمعة، 29 مارس 2024 08:09 صـ
موقع السلطة

رئيس التحرير محمد السعدني

  • اتحاد العالم الإسلامي
  • nbe
  • البنك الأهلي المصري
تقارير

بجد ولا حوار ؟ .. الحقيقة الكاملة وراء حكاية مصطفى أبو تورتة

مصطفى أبو تورتة
مصطفى أبو تورتة

بعد تعرضه للسخرية والاتهامات بالتصرف الغريب وغير الأخلاقي، حتى تصدر اسمه مواقع التواصل الاجتماعي تحت مسمى "مصطفى أبو تورتة"، رد "مصطفى" على رواية خطيبته "نهال"، التي كتبتها عبر إحدى صفحتها على موقع "فيسبوك"، واتهمته بالهروب من حفل "الخطوبة" مصطحبًا التورتة والشبكة.

 

وقال مصطفى في تصريحات صحفية مساء اليوم الأربعاء: "استيقظت اليوم، وجدت نفسي تريند على تويتر، حسبي الله ونعم الوكيل، أنا لم أظلم أحدا، بعد قراءة بعد قراءة الفاتحة في فبراير الماضي، لم تكن هنالك أي مشكلات بيننا، حددنا موعداً لحفل الخطبة في 12 أغسطس، قبل أن أقوم بتأجيله من ناحيتي، بسبب ارتباطي بطقوس خاصة في عيد الأضحى وانشغالي في الأضحية، إلى 21 سبتمبر".

 

وتابع قائلاً: "بعد نشوب خلاف بين أسرة نهال وبيني على تفاصيل الشبكة، بدأت أشعر أن الموضوع مش ماشي بما يرضي الله، وتوالت الخلافات الطبيعية بعد ذلك، بداية من خلافات على الشبكة وحتى شكل الفستان الذي سترتديه خطيبته في الحفل، وغير ذلك".

 

وأضاف: "صباح يوم الخطوبة وقعت مشادة بيني وبين نهال بعد أن طلبت مني دفع مبلغ إضافي للكوافير لم نتفق عليه، حتى تركتها بالكوافير، وتطورت المشادة عبر الهاتف، فقررت أن أبلغ أهلي وزوج والدتها بقرار الانفصال، بعد أن دأبت على الحديث معي بصورة غير مناسبة فضلا عن الحديث مع والدتي بأسلوب غير لائق»، مردفا «بعد حديث مع والدتي، قررت أن أعطي خطيبتي فرصة ثانية، وقمت بالتعديل في فقرات حفل الخطوبة، لتصبح  فقرة «الشبكة» في نهاية فقرات الحفل، حتى أعطيها فرصة لمراجعة نفسها».

 

وأكمل: "في نهاية الحفلة لاحظت أن خالي ينسحب رفقة أسرته، فعلمت أنه مريض، وبينما كنت قلقًا عليه لم يُبد أهل العروس اهتمامًا بذلك، وكانوا يلحون بسؤالهم عن الشبكة فقط".

 

وأردف: "كنت قد قررت أن أمنحها الشبكة في اليوم الثاني في منزلها، بعد قراري بالذهاب مع خالي إلى المستشفى، لكن الإلحاح في السؤال عن الشبكة، وكأنها أهم ما في الموضوع، جعل بعض أقاربي ينصحوني أن أنفد بجلدي لأن الموضوع كده مش نافع".

 

واختتم: "كنت حتى اللحظة الأخيرة أريد اصطحابها معي في السيارة، والعودة بها إلى المنزل، على أن أقوم بتسليم الشبكة لها في المنزل بعد الاطمئنان على خالي، لكنّ زوج والدتها رفض، ووافقته على أن أتركها، وذهبت، نافيا ما تردد حول أخذه «التورتة».

 

وفوجئ رواد مواقع التواصل الاجتماعي، بقصة هروب مصطفى من حفل الخطوبة،  التي روتها نهال عبر إحدى الصفحات على موقع التواصل الاجتماعي فيسبوك، مما أثار حالة من الغضب تجاه التصرف غير الإنساني للخطيب الهارب.

 

وروت نهال القصة كالتالي: « طيب مش عادتى أتكلم وأحكي عن حياتي الشخصية على فيس بوك ، بس اللي حصلي مش شوية فمضطرة أتكلم عشان متعبش، أنا كان مقرى فتحتي زى ما كله عارف على مصطفى و خطوبتى كانت يوم السبت اللي فات المفروض، وكان بينا مشاكل زى أي اتنين عاديين مع مامته بقى و خلافات بتحصل أول ما اطلب حاجة، وقولت دا عادى بيحصل بس اللي متخيلتش إنه يحصل إنه يسبينى فى القاعة لوحدي».

 

وتابعت «اتفاجئت إنه مش عازم صحابه ولا قاريبه كلهم وحسيت فيه حاجة غلط حتى مامته وأخته مفيش وحده فيهم جت بركتلى وقولت أمشى، اليوم، كل ما أقوله فين الشبكة اللي حنلبسها يقولى أصل اتكب عليها شربات أصل وقع جاتوه عليها، طب خليها بعد البوفيه وكلام كله غريب كدا ».

 

 

وأضافت «لحد ما دخلنا بعد البوفيه لقيت أهله كلهم مشيوا، و قال إيه خاله تعب، فيقوم أهله كلهم يشموا، وأنا في القاعة لوحدي بدور عليه ألاقيه بيصرخ برا و يقول خالى عيان و بيطلم وحاجات غريبة كدا وأنا أقسم بالله ما مستوعبة اللى بيحصل هو في واحد خاله عيان عليته كلها بتمشى  الستات اختفو بس كانوا بيهزروا فوق نسوا العيان، والأنيل إننا اكتشفنا إنهم اخدوا التورت معاهم، أخدتوا التورت معاكم و ملبسنيش شبكة، و قبل كل دا بايام جالى البيت و أخد التوينز بتاعت قراية الفاتحة بحجه إنه عايز يلبسنى كله مرة واحدة في القاعة وأنا هبلة وافقت  مجاش في بالى للحظة واحدة إنه هيعمل فيا كدا».

 

واستطردت « دلوقتي حابة أقول كل دا عشان إيه؟ كان ممكن ننهى بالمعروف من غير أذى نفسي ليا، كان ممكن تسترجل وتيجى تقولى يلا نفركش وكنت لغيت الخطوبة، مش جاى و بترقص وتقولى محضرلك مفاجاة، و فى نيتك تعمل فيا كد، حسبى الله ونعم الوكيل، أنا مش زعلانة عليك أصلا أنت متستاهلش لكن صعبان عليا نفسى واللي حصل وإني واقفت أتخطب لواحد زيك قليل الأصل».

 

واختتمت: «الدنيا يابنى داين تدان و بكرة تشوف، أصل ربنا مبيسبش ،وتانى بقولهالك كنت تسترجل و نمشى بالمعروف بدل ما تعمل فيلم تعب خالك دا و تصغروا نفسكوا بالشكل دا قدام الناس كلها، ولعملك سهلت عليا كتير أوووى لأنى مبقتش زعلانة عليك أصلا ولا فكرالك حتى حاجة وحده عدله». استعوضت ربنا فى حقى

079aba00b103f9e520acd1cc1cac20d3.jpeg
18b961779912d9a237ba399556732861.jpg
1ad7ba77b0a4b319432d104ee2b1cae0.jpg
d06088c07081f44ca5b043a27420e554.jpeg
البنك الأهلي
نهال مصطفى أبو تورتة تريند رد مصطفى مصطفى أبو حجر أخبار مصر تقارير
serdab serdab serdab serdab
CIB
CIB