حلمي بكر: شيرين تتعاطى المخدرات قبل ارتباطها بحسام حبيب

صرح الموسيقار حلمي بكر عن تعاطي الفنانة شيرين عبد الوهاب للمواد الخدرة قبل ارتباطها بالفنان حسام حبيب.

وقال حلمي بكر خلال لقائه مع الإعلامية مروة صبري في برنامج «قعدت ستات»: التعاطي يفقد الإنسان أعصابه وتجعل المقام يهتز وفي كذا حفلة بلاقي المقامات عند شيرين تهتز، وشيرين عبد الوهاب في يوم من الأيام كانت عظيمة وكانت هتبقى أعظم لكن دلوقتي اختلفت والفترات اللي كانت فيها عظيمها أيام ماطلعت مع تامر حسني وفي البداية ولما كبرت وغنت في حفلات وحبها العالم العربي كله زي ما أحنا حبناها لكن في الفترة الأخيرة هي خارج التون.

وأضاف الفنان حلمي: وشيرين تتعاطى المخدرات قبل ارتباطها بحسام حبيب وأنا بحب شيرين عبد الوهاب جدا ولما حبوا يكرموا شيرين في الأوبرا أنا اللي طلعت على المسرح واديتها الدرع بنفسي وده حب ولما تحب إنسان خليه يعيط ولو قال أي يبقى بيفضحك انتي وبيتهمك انك بتأذيه ولو امتص الألم وأنا بقرصه لمصلحته وابتسم وبص في وشك هتزداد محبة.