ويجز: العالم بيتغير بسرعة.. وأتمنى من كل واحد يقدر ظروف غيره

كشف مطرب الراب ويجز رأيه في التغييرات التي تحدث في الجيل الحالي، مؤكدًا أنه شيء طبيعي وحدث في جميع الأجيال السابقة.

ونشر ويجز فيديو له يتحدث فيه عن التغيرات التي تحدث في الأجيال، وعن تأثير الإنترنت على مستخدميه، وذلك من خلال خاصية استوري عبر حسابه الشخصي بموقع الصور والفيديوهات، انستجرام، قائلًا: اللي بيحصل في الجيل الحالي، وإن العالم بيتغير ومين دول، كان بيحصل في كل الأجيال، وديه نقطة مهمة جدًا إن العالم بيتغير بسرعة جدًا، وقبل النت غير ما بعد النت، وفي حاجات لسه هتطلع هتتغير أكتر وأكتر، ومتحاربش الأذى بالأذى، أتمنى من كل حد يحط نفسه مكان التاني، ويقدر ظروف غيره في كل الأوقات.

مطرب الراب ويجز

وتابع ويجز: حتى لو هتتعصب أتعصب في المحيط الأمن بتاعك، في محيط الناس اللي عارفه أنك متعصب، بس مش مجنون، وده حبيت إنه أشاركوا معاكوا.

واختتم ويجز حديثه قائلًا: مكنتش بطلع أشارك أي حاجة معاكوا علشان بتتاخد في سكك تانية خالص، وأتمنى الناس تصفي النية معايا، وإن شاء الله تشوفوني كتير على الستوريز أشارك معاكوا حاجات تانية.

آخر أعمال ويجز

وكانت آخر أعمال مطرب الراب ويجز هي أغنية أميرة، التي أصدرها بالتعاون مع الموزع الموسيقي أش، وحققت الأغنية نجاحًا كبيرًا، وتصدرت تريند مواقع التواصل الاجتماعي، ونجحت في تخطى مشاهدات وصلت إلى 5 ملايين ونصف المليون مشاهدة، عبر موقع الفيديوهات يوتيوب.