بلاي ليست.. ساعة عصاري ف البلكونة مع أم كلثوم وكوباية شاي

بلاي ليست أم كلثوم

اسمع بلاي ليست مع الست، وكُل اللي يعجبك وإلبس اللي يعجبك وإسمع المزيكا اللي تعجبك وإتفرج على اللي يعجبك وإشتغل او متشتغلش.. اللي يعجبك

اسمع ايضًا: بلاي ليست.. الحكاية الآبدية الحزينة

وإمشي بالخطوة اللي تعجبك وإحزن أو إفرح بالشكل اللي يعجبك.. وإتكلم بالطريقة اللي تعجبك وإتغير التغيير اللي يعجبك وإكبر أو إصغر أو إتجنن بالفكرة اللي تعجبك.. وعيش بالطريقة اللي تعجبك وحب اللي يعجبك وإتمنى تموت بالطريقة اللي تعجبك.. مش مهم ولا ضروري تعجب حد إلا اللي يعجبك.. ويحبك.. المهم تحب اللي يعجبك.. لأنه ف الاخر لا الحياة ولا الناس هتعمل فيك أو بيك اي حاجة تعجبك.

اسمع ايضًا: بلاي ليست.. سنجلني وبكى وسبقني ف الهشتكة

via GIPHY

المزيكا لغة التواصل بين الارواح وبعضها باستخدام اصوات جميلة لوحدها او مع كلام ومعاني.. مصداقيتها بسيطة وسلسة وجميلة.. فيها المعنى وفيها الاحساس وفيها الهارموني وفيها اللحن اللي علق ف دماغك باليوم والشهر والسنة.. تقدر تسمعها لوحدك او ف وسط ناس او مع ناس او مع حيوانات.. مش هتفرق.. الفرق كله يكمن ف قدرتك على الاحساس والفهم والاستيعاب.. المزيكا ممكن تعالج اكتئابك ومرضك النفسي بدون جلسات.. بدون اعترافات وفضفضة وتقليب ف ذكريات بغيضة..المزيكا ممكن تكون وسيلتك للتواصل مع الحياة.. المزيكا صوت الحياة.