موقع السلطة
الثلاثاء، 11 مايو 2021 03:11 صـ
موقع السلطة

رئيس التحرير محمد السعدني

  • البنك الأهلي - ممكن
  • موقع السلطة الاخباري
  • البنك الأهلي المصري
  • الاهلي
  • تطوير مصر
دفتر شكاوى

عميلة تشتكي من شركة بي تك: بعتولي غسالة مخبوطة جامد

بي تك
بي تك

نشرت مواطنة مصرية تدعى إسراء مرسى، شكوي ضد شركة بي تك لبيع المنتجات بسبب إرسال غسالة مخبوطة.

وقالت إسراء عبر "فيسبوك": "أنا واثقة انى مش أول حد يشتكى من بى تك لأنى سمعت عنهم شكاوى كتير بس مكونتش بصدق للأسف أن هما كل تعاملهم كده.. اشتريت منهم غسالة أطباق اندست ( indest ) المفروض يعنى أنها ماركة محترمة ايطالى بس طبعا وصمة العار اللى عليها انها توكيل بى تك.. الغسالة جت وركبت وزى الفل استخدمتها يوم و تانى يوم اكتشفت انها مخبوطة خبطة جامدة فى الجسم الخارجى زى ما باين فى الصورة طبعا هى مفيهاش مشاكل فنية وكانت شغالة تمام بس انا اعترضت أن انا شرياها منهم وسعرها 7600 جنيه ومع أنها سعرها اغلى من السوق 600 جنيه بس كانوا عاملين عليها عرض تقسيط بدون فوائد فقلت كأنى دفعت ال 600 جنيه دول فائدة بسيطة ع القسط".

وأضافت: "كلمتهم اطلب استبدالها رفضوا وقالوا إن تقرير الفنى أنها مفيهاش عيوب فنية اعترضت وطلبت اتواصل مع الإدارة قالوا لى الغسالة مفيهاش عيوب فنية قلتلهم فعلا بس الغسالة دى نفسها واى حاجة شبهها انتوا بتبيعوها كفرز تانى فى فروع out let عندكم بأسعار ممكن توصل لنص التمن يبقى انا ايه اللى يخلينى اشتريها ب 7600 جنيه لما ممكن كنت اشتريها من عندكم برضو ب 4000 ولا 5000 ووفرت 2600 جنيه ع الاقل.. المهم لما لاقونى فاهمة موضوع الفرز التانى وافقوا يبدلوها وبالفعل بعتوا الغسالة الجديدة وخدوا القديمة وقلت الحمد لله الموضوع عدا تمام واهو طلعوا محترمين واستبدلوها".

وتابعت: "اول ما جت للأسف مستخدمتهاش لمدة اربع خمس ايام ولما شغلتها لأول مرة اكتشفت أنهم نصبوا عليا تانى ???? بس بدل ما الغسالة الاولانية كان فيها عيوب خارجية دى بقى عيوبها داخلية صوتها عالى وفيها زنة غريبة طول ما هى شغالة وطبعا انا عارفه أن ده مش صوتها الطبيعى لأنى لسه كانت عندى الغسالة الاولانية قبلها بكم يوم مكنش ليها صوت خالص غير صوت جهاز عادى هادى جدا أو صوت الماية فقط .. كلمتهم اشتكيت وقالوا لازم الفنى يعمل تقرير والفنى لما سمعها طبعا قال ده صوتها طبيعى مفيهاش مشاكل .. وخلص الموضوع على كده

وتابعت: "انا طبعا متوقعة أنها كمان فترة قليلة هيبدأ يحصل فيها مشاكل او يطلع موتورها مش مظبوط بس كمان عارفه انى وتعرضت لعملية نصب تمت بنجاح من شركة عريقة اسمها B.TECH.. وطبعا مش هعرف اخد منهم حق ولا باطل لأنهم الوكيل بتاعها ومش معترفين أن فيها عيب فنى اصلا وبعد ما بدلوا لى الاولى وجابولى التانية كعقاب ليا انى موافقتش اشترى منها غسالة فرز تانى بسعر الجديد .. مش هعرف اقول حاجة ولا اعمل حاجة غير انى اقول حسبى الله ونعم الوكيل فيهم وأحذر اى حد أعرفه من التعامل معاهم .. وشكرا".

MIDB البنك الأهلي - فون كاش
شركة بي تك غسالة شكاوى
CIB MIDB
CIB MIDB