”بتحاربني ليه”.. عادل شكل لـ هاني شاكر: ”سيبني بقى يا هن أعيش” (فيديو)

وجه عادل شكل، كبير مشجعي نادي الاتحاد السكندري رسالة نارية إلى المطرب الكبير هاني شاكر، نقيب المهن الموسيقية، بشأن مطربي المهرجانات.

وقال شكل، عبر فيديو قصير على صفحته الشخصية على "فيس بوك"، " رسالة إلى المحترم والقدوة والخلوق هاني شاكر، اللي العالم كله بيسمع فنه وبيسمع أغانيه بصوته الجميل، ومحدش يقدر ينكر إنك رئيس نقابة محترم، واحنا بنحترم قرارتك".

وأضاف، "انت بتحاربني ليه يا أستاذ هاني، مع إني من المعجبين بيك وبحبك أوي".

وتابع عادل، "سيبني بقي يا هن بقى سيبني أعيش، عايز ايه مني، وأقسم بالله كنت بشوفك وأنت بتلعب في الزمالك في المهرجان الاعتزال كنت بشجعك وبحبك، وأنت رجل زملكاوي ومحبوب".

وأتم شكل حديثه قائلا، "اختبر الناس كلها، وإللي صوته حلو يتقبل في النقابة، وأنا عارف إنك شرط عندك ان المطرب يكون متعلم.

يذكر أن عادل شكل، اتجه إلى غناء المهرجانات، وأطلق أولى أغانيه أمس، الثلاثاء، عبر قناته على موقع "يوتيوب".