شادي محمد: نفسي ولادي يطلعوا ربع أخلاق أبو تريكة (فيديو)

علق شادي محمد مدافع النادي الأهلي ومنتخب مصر السابق، على صورة الكابتن محمد أبو تريكة نجم الأهلي والمنتخب الوطني السابق.

نجومية أبو تريكة

وقال شادي محمد خلال لقائه ببرنامج "في اَي بي" الذي تقدمه الإعلامية أميرة بدر بقناة "هي":"أبو تريكة نجم كبير وأسعد الشعب المصري والنادي الأهلي كتير جدا، وواحد من أفضل اللاعبين في تاريخ الأهلي مثله مثل الكابتن محمود الخطيب".

اخلاق أبو تريكة

وأضاف:"مواقف أبو تريكة السياسية هو يتكلم عنها انا متكلمش عنها، انا كشخص شوفت منه كل خير واحترام وشخص مهذب ومخلص في عمله وفيه لاعيبة اتعلمت منه حاجات كتير كويسة، ونفسي ولادي يطلعوا ربع أخلاق أبو تريكة".

موقف مؤثر لشادي محمد مع أبو تريكة خلال غسيل الكعبة

وأكد:"أبو تريكة اخلاقه عالية أوي، وحصل موقف لي معاه اتقدملنا دعوة في النصف من شعبان وقلنا نروح ده فيه غسيل للكعبة، وغسيل الكعبة بيبقى للأمراء وخادم الحرمين الشريفين بيبقى موجود، فقال لي تعالي ننزل نجرب نزلنا نجرب حاولنا بشتى الطرق رجلينا من كتر الإصرار قعدنا 5 ساعات والأمن واقف بشكل قوي جدا لحد ما وصلنا لحد السلم وفاضل خطوتين ونطلع ونوصل للكعبة فجت الشرطة راحت واقفة فمطلعناش فقال لي ربنا مش كاتبهالنا اننا ندخل نغسل الكعبة فواحد شافنا من العيلة اللى معاها المفتاح فدخل بفوطتين بيضاء مسح بيهم الكعبة واعطى لأبو تريكة واحدة وانا واحدة والريحة مبتروحش من الفوطة اللي معايا، الشخص ده قالنا انا شايفكم ربنا يجعل نيتكم في ميزان حسناتكم وانا شفتكم بتحاولوا توصلوا تغسلوا الكعبة فربنا مش كاتبهالكم فأعطنا الفوطتين والريحة فيها لحد دلوقتي، والموقف ده مر عليه 12 سنة وفيها ريحة غسيل الكعبة لحد دلوقتي ريحة قريبة من العود بتاع الحجر الأسود".

محاولة أبو تريكة لغسيل الكعبة

ولفت:"وقفت أنا وأبو تريكة من 10 الصبح نحاول نوصل للمساهمة في غسيل الكعبة ولحد 5 ساعات بنحاول ولكن موفقناش، وعملنا العمرة قبلها بيوم".