موقع السلطة
الثلاثاء، 7 فبراير 2023 07:57 صـ
موقع السلطة

رئيس التحرير محمد السعدني

  • موقع السلطة الاخباري
  • nbe
  • البنك الأهلي المصري
فن

نادية مصطفى تنتقد هتافات الناخبين بالموسيقيين

فن نادية مصطفي
فن نادية مصطفي

انتقدت الفنانة نادية مصطفى، هتافات الناخبين بنقابة المهن الموسيقية، خلال إدلاء أصواتهم في انتخابات مقعد النقيب، والتي بدأت صباح اليوم الثلاثاء.

وقالت نادية مصطفى، في تصريحاتها على هامش انتخابات نقابة الموسيقيين: إحنا أعضاء محترمين، وكل واحد عارف هو جاي ليه ولمين، ليه نظام الإرهاب ده، بعد اللي حصل الله أعلم هكمل في النقابة ولا لأ، إحنا بقينا زي شادر السمك.

نادية مصطفى تنتقد هتافات الناخبين بالموسيقيين: أنا عن نفسي مع مصطفى حلمي

وكشفت نادية مصطفى، عن دعمها للمايسترو مصطفى حلمي، الذي ترشح لتولي منصب نقيب الموسيقيين، قائلة: إحنا عدنا 2 مرشحين من المجلس، المايسترو مصطفى حلمي، والدكتور علاء سلامة، وأنا عن نفسي مع مصطفى حلمي، وأرجع وأقول ربنا يولي الصالح.

كما تحدثت نادية مصطفى، عن منشور الفنان هاني شاكر، النقيب السابق لنقابة المهن الموسيقية، والذي رد من خلاله على الاتهامات التي وجهت للنقابة بالفساد خلال فترة توليه، موضحة: شُفت منشور هاني شاكر، وده فعلًا تقصير مننا وكان المفروض إن المنشور ده يتحط من أول يوم استقالة علشان في ناس شككت في الإيرادات واللي بيحصل في النقابة.

وأضافت: كان فيه ناس ليها مصلحة وأوهمت الجمعية العمومية إن الراجل ده بالبلدي نايم على ودنه ومش حاسس بحاجة، وإن مفيش أي طفرة حصلت، ولما أتكلمنا من غير مستندات، قالوا لو إنتوا رجالة وعندكم دليل طلعوه بالمستند، وطلعت المستندات إمبارح، وأنا مقدرش أنسب لنفسي الفضل، ولكن أول إمبارح مامشتش من النقابة غير لما خدت المستندات دي مختومة من النقابة، لأن دي الحاجة الوحيدة اللي كنت أقدر أعملها لـ هاني شاكر.

وتابعت نادية مصطفى، إنها اتخذت إجراء قانوني ضد صفحات كانت تتعمد تشويه صورة الفنان هاني شاكر وأعضاء النقابة، عبر مواقع التواصل الاجتماعي، موضحة: فيه صفحات وهمية أسأت ليا ولـ هاني شاكر ولأعضاء الجمعية العمومية، وأنا رفعت عليهم قضية، وإلى الآن لم يصدر حكم فيها، وصمت عجيب.

وأضافت: أنا مفيش على رأسي بطحة ولا حد ماسك عليا حاجة، ولا حد يقدر يمسكك عليا حاجة، طول عمري حرة، وأبويا رباني كده وترتبيتي وأخلاقي يمكن هي اللي منعتني إني أتكلم وأقف في ظهر راجل أنا بحبه وبحترمه وعشرة عمري.

واختتمت نادية مصطفى، حديثها قائلة: شهادة مني قدام ربنا وهيحاسبني، هاني شاكر، ظُلم واتهان من الناس كلها، ولم يقصر في النقابة، وهو وجهة مشرفة لنقابة المهن الموسيقية.

البنك الأهلي
نادية مصطفى الفنانة نادية مصطفى الموسيقيين انتخابات الموسيقيين انتخابات نقابة المهن الموسيقية الفن فنـ اخبار الفن موقع السلطة

آخر الأخبار

CIB
CIB