مدحت صالح: نجاح عمرو دياب يضايق الناس اللي قلوبها ضعيفة

كشف الفنان مدحت صالح عن رأيه في نجاح الهضبة عمرو دياب وتربعه على عرش الغناء، كما أشار إلى أن رحيل والدته أثر عليه بشكل كبير.

 

وأعرب الفنان مدحت صالح عن حزنه الشديد وتأثره برحيل والدته، وذلك من خلال تصريحات تلفزيونية، حيث قالت: التأثير السلبي أخذ معايا وقت في هذه المراحل، وإحساسي بأمي أغلى من 100 بكاء، والبكاء مش هو اللي هيعرفني قيمتها.

 

واستطرد مدحت صالح: فقدان أمي خلاني فاقد الاطمئنان وفجأة بقيت خايف من الدنيا وإحساس الخوف من الدنيا كان زيادة شويه، والسند في الناس اللي حولي ودلوقتي ضهري وسندي بعد ربنا أسرتي الصغيرة وربنا وهبني ناس بتحبني لله وفي الله وبيخافوا عليا وبصدقهم.

 

وقال مدحت صالح: تربع عمرو دياب على عرش الغناء ونجاحه يضايق الناس اللي قلوبها ضعيفة، ولكن الناس اللى قلوبها حلوة لا تغضب.

 

مدحت صالح: أنا متعتي في الحياة إني أغني من غير مقارنة مع حد

 

وأضاف مدحت صالح، أن الفن يعني حب ونريد ان نستمتع بما نقدمه من أعمال فنية للجمهور، متابعًا: أنا متعتي في الحياة أني أغني دون أن يحصل أي تشابك بيني وبين أي حد والمقارنة لا تشغلني، واعتبر نفسي بره مدرسة الترتيب والألقاب، وأنا مبحبش التصنيف ولا الترتيب لأن ده مؤذى نفسيا لناس كتير، وعايزين نعلم الشارع أن المقارنة فكرة احنا اللي اخترعناها وأنا بحب استمتع بحياتي واللي عايز يستمتع بحياته يفكر في الأعمال مش الأشخاص.