أبو تريكة في حوار رائع: حكاية عرض الزمالك.. أول لقاء مع جوزيه

تحدث محمد أبو تريكة لاعب النادي الأهلي الأسبق، عن المواجهة المرتقبة بين المارد الاحمر وبايرن ميونيخ الألماني في نصف نهائي كأس العالم للأندية، بالإضافة إلى ذكرياته مع مانويل جوزيه والقلعة الحمراء.

وقال تريكة في تصريحات بثها حساب "الطريق إلى 2022" عبر موقع تويتر: تريكة : أحلي حاجة في الدنيا وانت لاعيب تلعب للأهلي المصري واحسن حاجة تشجع الأهلي من المدرجات ، انا في كأس العالم للأندية أول مشجع للأهلي في المدرجات".

وأضاف: إحنا واخدين 5 بطولات والبايرن واخد 5 بطولات كده اللعب بكره على السادسة.

وكشف أبو تريكة أنه سبق وأن رفض طلب مانويل جوزيه المدير الفني الأسبق للقلعة الحمراء بالحصول على مقاطع مصورة له قبل انتقاله للفريق من الترسانة.

زاد إلى أنه تسلم شيكًا من محمود الخطيب رئيس الأهلي الحالي وقت انتقاله للفريق كمقدم للتعاقد، لكنه رفض صرفه.

أكملأبو تريكة : لما كنت في منتخب مصر العسكري جالي عرض من الزمالك وكان ساعتها مكنش في عرض من الأهلي خالص وروحت قعد مع كذا حد وكل ما اقولهم على حاجة يقولولي اوك".

تابع: حسيت انى مش مرتاح فا قولتلهم هصلي استخارة وارد عليكم بعد يومين ، و صليت وروحتلهم فعلاً وقولتلهم انا مش مرتاح وخلاص مش هنضم وبعدها بيومين الكابتن الخطيب كلم واحد صحبي إسمه مجدي علشان إنضم للنادي مع إن مجدي صحبي دا كان زملكاوي بس كان حريص جداً انى انضم للأهلي لانه عارف انى بحب الأهلي قد ايه".

أردف: الأهلي لما جالي منه عرض قلت خلاص والله لو فيه إيه .. و في بداية انتقالي للفريق مانويل جوزيه طلب شرائط فيديو ليا عشان يشوفني الأول قبل ما انضم ولما عرفت رفضت وقولتلهم لا مش باعت حاجة".

بدر بانون يتسبب في أزمة كبيرة لرمضان صبح ي.. نكشف التفاصيل

وصف: جوزيه استغرب إن ازاى لسه لاعب مش معروف أوي يرفض فا اكيد ف ي حاجة مش مفهومه ، حسام البدري وقتها قالي احنا عارفينك بس الراجل لازم يشوفك وكدة وبعد الحاح وافقت ، جوزيه اتفرج عليا في اول 10 د بس في ماتش الزمالك والكروم قالهم هاتوه".

واستطرد: "الخطيب أعطاني شيك من حسابه الشخصي كمقدم للتعاقد وأبلغني بصرفه على أن يقوم هو بحل كافة الأمور مع خزينة النادي بعد عدة شهور.

واصل أبو تريكة : لما خد شيك تعاقدي مع الأهلي فضلت محتفظ بيه 4 شهور ، فا كابتن الخطيب كلمني قالي يابني أنت مصرفتش الشيك ليه قولتله انا محتفظ بيه قالي صوره .. فا دي حاجة من الذكريات وانتقلنا للأهلي حلم وكان أمنية كبيرة.

ننفرد بتفاصيل مكالمة محمد صلاح مع لاعبي الأهلي.. ويقدم روشتة الفوز على بايرن