موقع السلطة
السبت، 20 يوليو 2024 09:28 صـ
موقع السلطة

رئيس التحرير محمد السعدني

  • اتحاد العالم الإسلامي
  • nbe
  • البنك الأهلي المصري
فن

قفشتهم بنفسي، ميمي جمال تروي قصة فتاة لعوب أوقعت حسن مصطفى في شباكها (فيديو)

ميمي جمال وحسن مصطفى، فيتو
ميمي جمال وحسن مصطفى، فيتو

ميمي جمال، روت الفنانة ميمي جمال، قصة مثيرة عن زوجها الفنان الراحل حسن مصطفى، بعدما حاولت إحدي السيدات خطفه منها.

 

وقالت ميمي جمال خلال لقائها ببرنامج “معكم” الذي تقدمه الإعلامية منى الشاذلي بقناة “سي بي سي”: "حسيت بتغير في حال زوجي الراحل حسن مصطفى لما كان بيشتغل في مسرحية وفيها بنات بتوع رقص واستعراض، والمسرحية دي كان فيها 3 كوميديانات هو واحد منهم، وقتها شكيت إنه علي علاقة بواحدة".

 

حركات فتاة حول حسن مصطفى

وأضافت: "عرفت ان فتاة في المسرحية مع حسن مصطفى كانت بتدخله أوضته وتكلمه وتعمل حركات وهو كان راجل كبير، فتيجي بنت عندها 18 سنة وتخش تحط إيديها على أكتافه وتقوله شايف المانيكير أنا حاطه عليه حروف اسمك، والبنت كانت بتلعب عليه وهو راجل كبير في السن، وهو طبعًا انجذب وانبهر رغم أنه مش جان ولا حسين فهمي ومكنش جميل".

 

نزوة حسن مصطفى

وتابعت ميمي جمال: "فضلت البنت تلعب على حسن مصطفى وتقوله والنبي يا أستاذ توصلني علشان أنا ساكنة هنا قريب وركبت معاه مرة أو مرتين وصلها بيتها، وعرفت وأنا بشتغل في القاهرة وهو كان في إسكندرية بتفاصيل النزوة من البنت اللى بتقطع التذاكر لأنها كانت صاحبتي فشافت منظر معجبهاش فكلمتني وقالتلي لازم تيجي وأن شايفة أنك تيجي الأسبوع ده علشان فيه شوية حاجات مش حلوة وتستاهل أنك تيجي بسرعة، فركبت وروحت إسكندرية ولقيته جاي من بره فقلت له وصلت الهانم، وقتها اتخض وقالى هانم مين؟، فقلت له الحكاية كلها اللى حصلت مع البنت، وقتها انفعل وقال إيه الكلام ده بصوت عالي ومين اللى قالك الكلام ده والناس دي عايزة تخرب البيوت، فقلت له كلامك ده مش هياكل معايا، قولتله أنا هنساها وهعتبرها شوية لعب عيال وكلام فارغ وهعمل نفسي أني معرفش حاجة".


هل طلبت ميمي جمال الطلاق من حسن مصطفى؟

وأكدت: "لم اكن ارغب فشل زواجي من حسن مصطفى علشان عندي بنات، ومطلبتش بعد ما عرفت بالنزوة بتاعته الطلاق خوفًا على بناتي".

 

البنك الأهلي
ميمي جمال الفنانة ميمي جمال حسن مصطفى الفنان حسن مصطفى اخبار الفن برنامج معكم منى الشاذلى منى الشاذلي
tech tech tech tech
CIB
CIB